मिसेस नेपाल वर्ल्ड २०२४ कि विजेता कार्कीले पाइन लुयानको इलेक्ट्रिक स्कुटर

काठमाडौं– हालै सम्पन्न मिसेस नेपाल वर्ल्ड२०२४ कि विजेता डा. डेनिला कार्कीले लुयानको इलेक्ट्रिक स्कुटर पाएकि छिन् । गत शनिबार काठमाण्डौंमा आयोजित पुरस्कार वितरण तथा सक्सेस पार्टिमा उक्त स्कुटर हस्तान्तरण गरिएको हो ।

कार्यक्रमको प्रमुख अतिथि वरिष्ट समाजसेवी तथा माइति नेपालकि सँस्थापक अनुराधा कोइराला, लुयान नेपालका प्रबन्ध निर्देशक दुर्वास नगरकोटी तथा आयोजक रिवन इन्टरटेनमेन्टका सिइओ निशुकान्त झाले सँयुक्त रुपमा स्कुटर हस्तान्तरण गरेका थिए ।

सो अवसरमा संक्षिप्त कुरा गर्दै डा. कार्कीले भनिन्, ‘अब विद्युतीय सवारीसाधन नै चलाउन पर्छ भन्ने सोँचमा त म पनि थिएँ । यस भन्दा पहिले लुयान नेपालकै इभि र्यालीमा टेष्ट राइड पनि गरेका थियौं । त्यतिबेला नै यसको राइड गर्दा चित्त बुझेको थियो । न वातावरण बिगार्ने, न त आवाज नै आउने, स्मुथ राइड भएकोले म त्यतिबेला नै एक्साइटेड थिएँ ।’

सो कार्यक्रममा अन्य टाइटल विजेता तथा सहभागीहरुलाई पुरस्कार तथा सम्मान समेत गरिएको थियो । आयोजक रिबन इन्टरटेनमेन्टले हरेक बर्ष मिसेस नेपाल वर्ल्ड आयोजना गर्दै आइरहेको छ । विजेता डा. कार्कि अब अमेरिकामा हुने मिसेस वर्ल्डको प्रतियोगितामा भाग लिन जानेछिन् ।