दुई भेरिएन्टमा आयो सुजुकी स्विफ्टको ब्लिट्ज एडिसन, यस्तो छ विशेषता

मारुती सुजुकीले आफ्नो लोकप्रिय ह्याचब्याक कार स्विफ्टलाई नयाँ एडिसनमा उतारेको छ । कम्पनीले लिमिटेड एडिसनका रुपमा ब्लिट्ज संस्करणलाई बजारमा ल्याएको हो ।

सो नयाँ एडिसन भिएक्सआई र भिएक्सआई(ओ) भेरिएन्टमा उपलब्ध हुनेछ । कारमा ३९ हजार ५०० भारु बरावरको निःशुल्क एसेसोरिज उपलब्ध गराइएको छ ।

कारमा ब्ल्याक रूफ स्पोइलर, अगाडि, पछाडि र साइडमा अन्डरबडी स्पोइलर तथा बडी मोल्डिङ, एलईडी फग ल्याम्प, विन्डो फ्रेम किट, ग्रिल गार्निस र डोर भाइजरहरु थप गरिएको छ ।

इन्टेरियरमा ९ इन्चको टचस्क्रिन इन्फोटेनमेन्ट सिस्टम, अटोमेटिक क्लाइमेट कन्ट्रोल र थप सुविधाहरू दिइएको छ । सुजुकीको सो नयाँ एडिसन पेट्रोल र सीएनजी दुबै पावरट्रेनमा उपलब्ध हुने जनाइएको छ ।

कारमा जडान गरिएको १.२–लिटर इन्जिनले ८२ बीएचपी र ११२ एनएम टर्क जेनेरट गर्दछ भने यसमा ५ स्पीड म्यानुअल र ५ स्पीड एएमटी ट्रान्समिन बिकल्प दिइएको छ ।