मल्टी ब्रान्ड शोरुम र सर्भिस सेन्टर : रोजाइका इलेक्ट्रिक स्कुटर किन्न र मर्मत गर्न पाइने

नेपालमा विगत लामो समय देखि विभिन्न ब्रान्डका इलेक्ट्रिक स्कुटरहरुको आयात तथा बिक्री–वितरण हुँदै आएको छ । करिब ४० भन्दा बढी ब्रान्डका इलेक्ट्रिक स्कुटर तथा ई–साइकलको कारोवार हुँदै आएको छ ।

यी मध्ये भक्तपुरको लोकन्थली–जडिबुटीस्थित जम्बो इको भेइकलको मल्टी ब्रान्ड शोरुमबाट विश्व प्रसिद्ध लेभनिङ र एमडीकेए अन्तर्गत डिओ सिक्स जस्ता उच्च गुणस्तरीय ब्रान्डहरु बिक्री हुँदै आएका छन ।

उक्त मल्टी ब्रान्ड शोरुमले यी बाहेक आइडिया, अरोमा, एसवे, एसवे मिनी, मियामा, स्लङ जस्ता विभिन्न ब्रान्डका इलेक्ट्रिक स्कुटर तथा ई–साइकल सुपथ मूूल्यमा बिक्री-वितरण गर्दै आएको बताएको छ ।

आम ग्राहकको जिज्ञासा बिक्री पश्चातको सेवा अर्थात आफ्टर सेल्स सर्भिस रहेकोमा उक्त जम्वो इको भेइकलले मल्टी ब्रान्ड सर्भिस सेन्टर समेत सञ्चालन गरेको छ । जस अन्तर्गत जुनसुकै ब्रान्डका इलेक्ट्रिक स्कुटरको मर्मत तथा सर्भिसिङ गरिन्छ ।

छुट सहित सुलभ मूल्यमा १५० किलोमिटर सम्म गुड्ने नयाँ तथा पुराना (सेकेन्ड ह्याण्ड) ई–स्कुटरहरु उपलब्ध हुनुका साथै फाइनान्सको सुविधा, शून्य प्रतिशत ब्याजदरमा ८५ हजार देखि ३ लाख २० हजार रुपैयाँ सम्मका स्कुटरहरु समेत उपल्ब्ध रहेको जम्बो इको भेइकलका प्रमुख कार्यकारी अधिकृत सन्तोष न्यौपानेले जानकारी दिए ।