तयार हुँदै पल्सर आरएस ४००, यस्तो हुनेछ विशेषता

काठमाडौं– बजाजले भारतमा हालै बिक्री सुरु गरेको सबैभन्दा शक्तिशाली पल्सर एनएस ४०० जेड पछि अर्को नयाँ मोडल ल्याउने तयारी थालेको छ । फुल फेयर्ड डिजाइनमा आउने उक्त बाइकको नाम पल्सर आरएस ४०० हुने जनाइएको छ । एनएस ४०० जेडकै प्लेटफर्मममा तयार हुने यो नयाँ मोटरसाइकलको लुक्स र फिचरमा केही अन्तर पाइनेछ ।

बजाज पल्सर आरएस ४०० मा फुल एइडी हेडल्याम्प तथा एलइडी डीआरएल रहने छ । एग्रेसिभ फ्रन्ट फेसियाकका साथ आउने यो नयाँ मोटरसाइकलमा ब्लुटुथ कनेक्टिभिटी सहितको फुल डिजिटल इन्स्ट्रुमेन्ट क्लष्टर उपलब्ध हुनेछ । यसमा कम्पनीले पल्सर एनएस ४०० जेडको इन्जिन प्रयोग गर्ने उल्लेख छ ।

साथै यसमा नयाँ एलइडी टेल ल्याम्प, अग्लो विन्डस्क्रिन, स्प्लिट सीट, स्पिल एण्ड एसिस्ट क्लच, राइड–बाइ–वायर मेकानिजम र स्विचेवल ट्रयाक्सन कन्ट्रोल लगायत विशेषता रहने छ । बाइकमा जडान हुने ३७३.३ सीसी, सिगंल सिलिन्डर, ट्रिपल स्पार्क इन्जिनले ४० पीएस पावर ताथ ३५ एनएम टर्क जेनेरेट गर्नेछ ।