गाडीमा नभए पनि चल्छ यी ५ फिचर, कुन कुन हुन् ?

कार निर्माता कम्पनीहरुले कारमा विभिन्न फिचरहरु जडान गर्न थालेका छन् । कारमा जडान गरिने सम्पूर्ण फिचर प्रयोगमा भने आउँदैन । यद्यपि ग्राहकलाई यी फिचरको पनि रकम लिएको हुन्छ । लक्जरीका लागि आवश्यक मानिने यी फिचर नभए पनि हुन्छ, तर धेरैले यी फिचर भएका कार रुचाउने गरेका हुन्छन् ।

कारमा अनावश्यक फिचरको बारेमा जान्न आवश्यक छ ।

सनरुफ
कारमा सनरुफ जस्ता फिचर पनि जडान गरिएको हुन्छ । तर यो फिचर ग्राहकहरुले खासै प्रयोग गर्दैनन् । यो मूल रूपमा युरोप जस्ता देशमा बाहिर मौसम अनुभव गर्न डिजाइन गरिएको हुन्छ, जहाँ घाम विरलै देखिन्छ ।

अटोमेटिक हेडलाइट
लक्जरी कारमा अटोमेटिक हेडल्याम्प प्रदान गरिएको हुन्छ । अटो हेडल्याम्पमा एउटा लाइट सेन्सर जडान गरिएको हुन्छ, जसले अँध्यारो हुने वित्तिकै हेडलाइट अन गर्छ । तर यो काम म्यानुअल रूपमा प्रयोग गरेर पैसा बचत गर्न सकिन्छ ।

अटोमेटिक वाइपर
अटोमेटिक वाइपरले विन्डशील्डमा पानी पत्ता लगाउन सक्छ, जसलाई रेन सेन्सिङ वाइपर पनि भनिन्छ । अटो हेडल्याम्प जस्तै यो पूर्ण रूपमा ओभररेट गरिएको हुन्छ किनभने यो कार्य म्यानुअल रूपमा गर्न सकिन्छ ।

जेस्चर कन्ट्रोल
जेस्चर कन्ट्रोल फिचरले चालकको ध्यान भट्काउन सक्छ । नब वा अन्य कन्ट्रोल्सको उपयोग गरेर भोल्युम स्तर सेटिङ कन्ट्रोल गर्न सकिन्छ ।

भ्वाइस कमाण्ड
कारमा अझै पनि सो फिचरको सुधार गर्न आवश्यक छ । अधिकांश समय भ्वाइस कमाण्ड प्रयोग गर्दा सफ्टवेयरले कमाण्ड पहिचान गर्न असफल भएको हुन्छ ।