१ लाख एनटर्क बिक्रीको अवसरमा टिभिएसले आयोजना गर्यो ‘एनओजी’ राइड

काठमाडौं– टिभिएस मोटर कम्पनीको नेपालका लागि आधिकारिक वितरक जगदम्बा मोटर्सले १ लाख एन्टर्क स्कुटर बिक्रि गर्न सफल भएको उपलक्ष्यमा एनओजी राइड सम्पन्न गरेको छ ।

गत शनिबार आयोजना भएको उक्त राइड टिभिएसको नक्साल शोरुमबाट शुरु भएर शिवपुरीको द ग्रीन भ्याली रिसोर्टमा पुगेर समापन भएको थियो । राइडमा सहभागीहरु बीच विभिन्न गेमहरु पनि खेलाइएको कम्पनली जनाएको छ ।

साथै एनओजी राइडमा उपस्थित १०० राइडरमाझ आफ्नो परिचय र अनुभव पनि आदानप्रदान गरिएको थियो । सहभागी सम्पूर्ण राइडरहरुलाई सहभागिताको प्रमाणपत्र प्रदान गरिनुको साथै स्कुटरहरु राखेर १ लाखको सुन्दर आकार पनि बनाइएको थियो ।

टिभिएस एनटर्क बेस्ट–इन–क्लास पावर, पिक–अप र पर्फर्मेन्सको लागि लोकप्रिय रहेको कम्पनीको भनाई छ । स्मार्ट टेक्नोलोजी, दमदार पर्फर्मेन्स र स्पोर्टी डिजाइनले गर्दा टिभिएस एनटर्क ग्राहकहरुको पहिलो रोजाइमा पर्न सफल भएको हो । २०१८ मा नेपालमा लन्च भएयता यो स्कुटर १ लाख युनिट बिक्री भएको कम्पनी दावी छ ।