के नयाँ गर्दैछ क्रसफायरले ? नयाँ बाइक ल्याउँदै कि अफरोड यात्रा गर्दै ?

क्रसफायर बाइकको आधिकारिक वितरक क्लासिक ह्विल एक्सपोर्ट एन्ड इम्पोर्टले केही नयाँ गर्दैछ भन्ने सन्देश दिन खोजेको छ । क्रसफायर नेपालको फेसबुक पेजमार्फत यो कुराको जानकारी सार्वजनिक गरिएको छ ।

यद्यपि नयाँ के हुँदैछ भन्ने वारेमा स्पष्टसँग बताइएको छैन । के कुनै नयाँ बाइक बजारमा आउँदै छ ? वा कुनै अफरोड यात्रा हुँदैछ ?

क्रसफायर वास्तबमा अफरोड र एड्भेन्चर यात्राका लागि परिचित ब्रान्ड हो । नेपाली बजारमा उपलब्ध विभिन्न मोडलका बाइक यस्तै कार्यमा विशेष रुचाइएका छन् । यसका आधारमा पनि कुनै एड्भेन्चर वा अफरोड यात्रा हुन लागेको अनुमान गर्न सकिन्छ ।

क्रसफायर नेपालले यसको वारेमा औपचारिक रुपमा केही बताएको छैन । तर पनि केही दिन भित्रै अफरोड यात्राको आयोजना गरिने अनुमान गरिएको छ । कम्पनीले सो संकेतलाई भने पुष्टि गरेको छ ।

यद्यपि अहिले नै मिति र गन्तव्य स्थान सार्वजनिक गरिएको छैन । काठमाडौंबाट नजिकको कुनै स्थानमा क्रसफायर बाइकको अफरोड यात्रामा राइडरहरुलाई सहभागी गराउने कम्पनीले संकेत गरेको छ । यसका लागि कम्पनीले तयारी गरिरहेको छ ।

नेपालमा डर्ट अर्थात अफरोड बाइकको नाम लिंदा शुरुमै आइहाल्ने नाम हो क्रसफायर । सन् २०१३ मा क्लासिक ह्विल्स एक्सपोर्ट एन्ड इम्पोर्ट प्रालिले नेपाल भित्र्याएको अस्ट्रेलियन ब्रान्डको यो बाइक अहिले अधिकांश नेपाली युवाहरुको ड्रिम बाइक समेत बनेको छ ।