नेपाल रोड रेसिङ च्याम्पियनसिप–२०२३ सम्पन्न, राजकुमार कार्की वने नेश्नलतर्फको बिजेता

काठमाडौं– नेपाल रोड रेसिङ च्याम्पियनसिप–२०२३ सम्पन्न भएको छ । असोज २७ गते सम्पन्न सो कार्यक्रमलाई मोटर स्पोर्टस नेपाल क्लवले नासा नेपालसंगको सहकार्यमा आयोजना गरेको हो । कार्यक्रमलाई यामाहा मोटरसाइकलले प्रायोजन गरेको थियो । प्रतियोगितमा राइडरले विभिन्न बिधामा प्रतिस्पर्धा गरेका थिए ।

प्रतियोगितमा नेश्नलतर्फ राजकुमार कार्की बिजयी बने भने रितेश कार्की फस्र्ट रनरअप र सेकेन्ड रनर अपमा आशिक लामाले बाजी मारे । नेभीसतर्फ अभिनभराज मल्ल बिजयी हुँदा फस्र्ट रनर अप बिक्रम तामाङ र सेकेन्ड रनर अप दिपेश नगरकोटी बने ।

महिलातर्फ मिङ्ग्मा डोल्मा तामाङ बिजीय भईन भने फस्र्ट रनर अपमा वर्षा बस्नेत र सेकेन्ड रनरअप रोशनी भण्डारी बनिन् । बिजेताहरुले १५ हजार नगद पुरस्कार पाएका थिए भने फस्र्ट रनअपले १० हजार र सेकेन्ड रनरअपले ५ हजार नगद पुरस्कार सहित प्रमाणपत्र र ट्रफी हात पारे ।

नासा नेपालका अध्यक्ष दशरथ रिसालले मन्तब्य राखेपछि सुरु भएको सो कार्यक्रममा यामाहा मोटरसाइकल तथा स्कुटर बिक्रेता एमएडब्लु इन्टरप्राइजेजका सिईओ राजु क्षेत्री प्रमुख अतिथीका रुपमा उपस्थित भएका थिए ।