काठमाडौं महानगरले सार्वजिनक सडकमा पार्किङ संचालन गर्न अनुमति नदिने

काठमाडौं – काठमाडौं महानगर क्षेत्रभित्रका सार्वजनिक सडकहरुमा पार्किङ संचालन गर्न काठमाडौं महानगरले अनुमति नदिने भएको छ। महानगरका मेयर बालेन शाहले आर्थिक वर्ष २०८०/८१ को बजेट प्रस्तुत गर्दै महानगर क्षेत्रभित्रका सार्वजनिक सडकहरुमा सावरी साधन पार्किङ संचालन गर्न काठमाडौं महानगरले अनुमति नदिने बताएका हुन्।

महानगर आफैले पार्किङ शुल्क समेत अशुल गर्ने र पार्किङ शुल्क तोक्न सक्ने अधिकार रहेको शाहले बताए। यस अनुसार उप दफा एकमा जे भएपनि ऐन जारी भएपछि काठमाडौं महानगरले आफ्नो अधिकार क्षेत्रभित्र निश्चित अवधि तोकिएको समयमा पार्किङ सुविधा उपलब्ध गराए वापत लाग्ने शुल्क अनुसूची ११ अनुसार निर्धारण गरिने उनले बताए।

अहिले सबै गाडीहरु सार्वजनिक सडकमा पार्किङ गर्ने गरिएको छ। जसले गर्दा सबै सडकहरु भिडभाड हुने र जाम हुने गरेको छ। तर महानगरले सार्वजनिक सडकहरुमा पार्किङ गर्न अनुमति नदिने योजनाको विकल्प भने ल्याएको छैन।

आगामी दिनमा यसका वारेमा थप विवरण आउने अनुमान गर्न सकिन्छ ।