कुशाक चम्किदा स्कोडाको बिक्री दोव्वरले वृद्धि

मिड साइज एसयूभी कुशाकको बिक्री वढेसंगै स्कोडाले भारतमा यो वर्षको ११ महिनामा उत्साहजनक बिक्री हाँसिल गरेको छ । अघिल्लो वर्ष कुल २३ हजार ८५८ युनिट कार बिक्री गरेको या व्राण्डले यो वर्षको ११ महिनामै दोव्वर भन्दा बढीले बिक्री हाँसिल गरेको हो । उसले हालसम्म ४८ हजार ९३३ युनिट कार विक्री गरिसकेको बताएको छ । नोभेम्वरमा मात्र कुल ४ हजार ४३३ युनिट कार बिक्री भएको थियो ।

स्कोडाको बिक्री बढाउन कुशाक एसयूभीको योगदान महत्वपूर्ण रहेको स्कोडा इण्डियाका व्रान्ड डाइरेक्टर पेटर सोल्सले बताएका छन् । ‘सेफ्टी टेष्टमा उत्कृष्ट नतिजा हाँसिल गरेसंगै कुशाक मनपराउने ग्राहकहरु बढिरहेका छन् । साथमा नयाँ सेडान स्लाभियाको योगदान समेत उत्तिकै महत्वपूर्ण रहेको छ ’ उनले भारतीय अनलाईन मिडिसंगको कुराकानीमा भने ।

स्कोडाले हाल भारता कुशाक र स्लाभिया सहित कोडियाक, सूपर्व र अक्टाविया लगायत मोडलको बिक्री गर्दै आइरहेको छ । यी कारको बजार विस्तार भएसंगै उसका लागी भारतीय बजार विश्वको तेस्रो ठूलो बजार वनेको जनाइएको छ । अहिले भारतमा चीनमा भन्दा पनि धेरै स्कोडाका कार विक्री भैरहेका कारण आगामी दिनमा बिक्री र विक्री पछिको सेवामा वढी जोड दिने कम्पनीले रणनिती वनाएको छ ।

स्कोडा नेपाली बजारमा समेत उपलब्ध रहँदै आएको यूरोपिनय ब्राण्ड हो । यो व्राण्डलाई एमएडव्लु इन्टरप्राइजेजले आयत गरी कारोवार गर्दै आएको हो । नेपाली बजारमा यसको कुशाक, कोडियाक र सुपर्व लगायत मोडल उपलब्ध छन् । जसमध्ये यहाँको बजारमा पनि मिड साइज एसयूभी कुशाक नै सर्वधिक संख्यामा बिक्री भैरहेको छ । स्कोडाको प्राथमिकतामा भारतीय बजार परेपछि यसको सकरात्मक प्रभाव नेपाली बजारमा समेत पर्ने देखिन्छ ।