विद्युतिय कार उत्पादनमा ठूलो रकम लगानी गर्ने माज्दाको घोषणा

जापनिज अटो निर्माता माज्दाले विद्युतिय कार र व्याट्रीको उत्पादनमा ठूलो रकम लगानी गर्ने घोषणा गरेको छ । उसले सवारीसाधन र व्याट्रीमा गरी कुल ११ अर्व डलर हाराहारी लगानी गर्ने घोषणा गरेको हो । कम्पनीले सन् २०३० सम्ममा आफूले बिक्री गर्ने कुल सवारीको ४० प्रतिशतसम्म हिस्सा विद्युतिय पुर्याउने लक्ष्य लिएको छ ।

विश्वका अधिकांश ठूला सवारी उत्पादकले विद्युतिय कार उत्पादनमा जोड दिँदै आइरहेको समयमा माज्दाको यस्तो घोषणा आएको हो । जापानका दुई ठूला अटो उत्पादक टोयोटा र होन्डाले पनि विद्युतिय सवारी उत्पादमा ठूलो रकम लगानी गर्ने यसअघि बताइसकेका छन् भने निशानले विगत लामोसमयदेखी यो सेग्मेन्टका कार उत्पादन गरिरहेको छ ।

लक्जरी अटो व्रान्डका रुपमा परिचित माज्दा विगत लामो समयदेखी नेपाली बजारमा समेत उपलब्ध रहँदै आएको छ । हाल यो व्रान्डका सवारीसाधनलाई पारामाउन्ट मोटर्सले आयत गरी विक्रीवितरण गरिरहेको छ । जसका आधारमा भोलिका दिनमा यो व्रान्डको विद्युतिय कार समेत नेपाल आउने संभावना देखिएको छ ।