फिचर थप भएको टिगोर इभी आज लन्च हुँदै, रेन्ज ९ किलोमिटर वढी पाइने

टाटा मोटर्सले आज टिगोेर इभीमा फिचर थप गरेर नयाँ भेरियन्ट सार्वजनिक गर्ने भएको छ । कम्पनीले हाल कारोवार भैरहेको टिगोर इभीमा फिचर थप गरेर एक्सटी र एक्सटी प्लस लक्जरी गरी कुल दुई नयाँ भेरियन्टलाई लन्च गर्न लागेको हो । यी नयाँ भेरियन्टले ३१५ किलोमिटर रेन्ज दिने कम्पनीको भनाई छ । हाल कारोबार भैरहेको टिगोर इभीले सिंगल चार्जमा ३०६ किलोमिटर रेन्ज प्रदान गर्ने कम्पनीको दावी रहँदै आएको थियो ।

टाटाले पछिल्लो समय सार्वजनिक गरेको सस्तो र सानो इभी टियागोमा भन्दा पनि कम फिचर्स उपलब्ध भएपछि टिगोरमा फिचर थप गर्न लागिएको हो । फिचर्स थप भएपछि यो नयाँ भेरियन्ट नेक्सन इभीको वेस भेरियन्ट भन्दा पनि अत्याधुनिक हुनेछ । नयाँ भेरियन्टको मूल्य १३ लाख भारु हाराहारी पर्ने अनुमान लगाइएको छ ।

यो नयाँ भर्सनमा टाटा मोटर्सले क्रुज कन्ट्रोल समेत दिने जनाएको छ । जुन फिचर हाल उपलब्ध नेक्सन इभी प्राइममा समेत उपलब्ध रहेको छैन । क्रुज कन्ट्रोल वाहेक यसमा लेदर अपहलेस्ट्री, अटोमेटिक हेल्याम्प, रेन सेन्सिङ वाइपर र मल्टिपल रिजेनेरेशन मोड समेत थप हुनेछन् । साथै यसमा ७ इन्चको टचस्क्रिन र स्टेरिङ माउन्टेड कन्ट्रोल जस्ता फिचर्स समेत थप गरिनेछ ।

नेपाली बजारमा समेत उपलब्ध टिगोर इभीमा २६ किलोवाट आवर क्षमताको व्याट्री जडान गरिएको छ । जसलाई एकपटक फुल चार्ज गर्दा ३०६ किलोमिटर रेन्ज दिने दावी गरिएको छ । यो इलेक्ट्रिक कम्प्याक्ट सेडानको पावर ७४.७ पिएस र टर्क १७० एनएम रहेको छ ।