यी नयाँ फिचर थप भएर आउँदै टिगोर इभी

टाटा मोटर्सले टिगोर इभीमा फिचर अपडेट गर्ने भएको छ । यो नयाँ अपडेटेड इभी केही दिनपछि सार्वजनिक हुने वताइएको छ । टाटाले पछिल्लो समय सार्वजनिक गरेको सस्तो र सानो इभी टियागोमा भन्दा पनि कम फिचर्स उपलब्ध भएपछि टिगोरमा फिचर थप गर्न लागिएको हो ।

यो नयाँ भर्सनमा टाटा मोटर्सले क्रुज कन्ट्रोल समेत दिने जनाएको छ । जुन फिचर हाल उपलब्ध नेक्सन इभी प्राइममा समेत उपलब्ध रहेको छैन । क्रुज कन्ट्रोल वाहेक यसमा लेदर अपहलेस्ट्री, अटोमेटिक हेल्याम्प, रेन सेन्सिङ वाइपर र मल्टिपल रिजेनेरेशन मोड समेत थप हुनेछन् ।

नेपाली बजारमा समेत उपलब्ध टिगोर इभीमा २६ किलोवाट आवर क्षमताको व्याट्री जडान गरिएको छ । जसलाई एकपटक फुल चार्ज गर्दा ३०६ किलोमिटर रेन्ज दिने दावी गरिएको छ । यो इलेक्ट्रिक कम्प्याक्ट सेडानको पावर ७४.७ पिएस र टर्क १७० एनएम रहेको छ ।