सवारीसाधन र स्पेयर पार्ट्स आयतमा लाग्दै आएको एलसी मार्जिन यथावत, कर्जामा कडाई र व्याजदर वढ्ने

राष्ट्र वैंकले आज जारी गरेको चालु आर्थिक वर्षको मौद्रिक नितीमा क्यास मार्जिनको प्रावधन यथावत राखिएको छ । राष्ट्र वैंकले अघिल्लो आर्थिक वर्षको अर्ध वार्षिकी समिक्षा गर्दै सवारी साधन आयतमा अनिबार्य ५० प्रतिशत र केही स्पेयर पार्ट्समा सत् प्रतिशतसम्म मार्जिन राख्नुपर्ने नियम ल्याएको थियो ।

सवारीसाधन आयत गर्दा खोलिने प्रतित पत्र(एलसी) मा कडाई गरिएपछि आयतकर्ता कम्पनीहरु अफ्ठेरोमा पर्दै आइरहेका थिए भने सत् प्रतिशतसम्म क्यास मार्जिन लागु गरिएका कतिपय स्पेयर पार्ट्सको आयत रोकिएको थियो । उक्त प्रावधानलाई निरन्तरता दिइएका कारण यो आर्थिक वर्षमा पनि गाडी तथा मोटरसाइकल र स्पेयर पार्ट्सको आयत सहज नहुने देखिएको छ ।

मौद्रिक निती जारी गर्दै गभर्नर महाप्रसाद अधिकारीले एलसीमा लागु गरिएको विद्यामान मार्जिनलाई पुनरावोलकन गर्दै लगिने बताएका छन् । यसले अर्ध वार्षिकी समिक्षासम्म पुरानै प्रावधन कायमै रहने देखिएको हो । उक्त समयपछि वैंकले चाहे यो प्रावधानलाई हटाउन सक्नेछ ।

यसैगरी वस्तुको आयतमा प्रावह हुने कर्जालाई कडाई गर्दै लगिने जारी मौद्रिक नितीमा उल्लेख गरिएको छ । उत्पादन मुलक क्षेत्रमा प्रवाह हुने कर्जाको व्याजदर कम गर्ने र अनुत्पादक क्षेत्रमा जाने कर्जाको व्याजदर बृद्धि गरिने समेत मौद्रिक नितीमा उल्लेख छ । यसले अटो लोनमा जाने कर्जाको व्याजदर अझै बृद्धि हुने देखिएको छ ।

विदेशी मुद्राको संचितीले ७ महिनासम्मको आयत धान्न सक्ने अबस्था नरहुन्जेल हाल कायम गरिएको गाडी तथा मोटरसाइकल लगायत अन्य सामान आयतमाथीको प्रतिवन्ध समेत कायमै रहने भनिएको छ । यसले गाडी तथा मोटरसाइकल कहिलेदेखी आयत हुन्छ भन्ने विषयमा समेत अन्योलता सिर्जना गरिदिएको छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...