अटो इलेक्ट्रिसियनहरुका लागि तालिम सम्पन्न, नयाँ प्रविधि वारे जानकारी प्रदान

काठमाडौं – नेपाली बजारमा विभिन्न प्रकारका अटो इलेक्ट्रिक सम्बद्ध सामग्री उपलब्ध गराउदै आएको कम्पनी बोसले अटो इलेक्ट्रिसियनहरुका लागि एक दिने तालिम ‘स्किल अपग्रेडसन मिट’ आयोजना गरेको छ ।

नेपाल अटो मेकानिक्स व्यवसायी संघको समन्वय र बोसको नेपालका लागि आधिकारिक वितरक सत्यदीप इन्टरनेसनलको आयोजनामा भएको सो तालिममा २५ अटो मेकानिक्सहरुको सहभागिता रहेको थियो ।

सो अवसरमा बोसको नेपालका लागि कन्ट्री म्यानेजर रितुन्च गुप्ताले सहभागीहरुलाई कम्पनीका उत्पादन र हाल उपलब्ध विभिन्न प्रविधिका वारेमा जानकारी प्रदान गरे । सो अवसरमा उनले हाल बजारमा उपलब्ध बीएस६ प्रविधिका सवारी साधन र तिनमा प्रयोग हुने विभिन्न नयाँ प्रविधि तथा तिनको प्रयोगका वारेमा जानकारी प्रदान गरे ।

नेपाल अटो मेकानिक्स व्यवसायी संघका अध्यक्ष ठाकुरप्रसाद न्यौपानेले समय क्रमसँगै अटो मेकानिक्सहरुले समेत नयाँ प्रविधिको जानकारी राख्नु पर्ने आवश्यकता भएको र यसका लागि सो तालिमले महत्वपूर्ण भूमिका खेल्ने बताए ।

सत्यदीप इन्टरनेसनलका म्यानेजिङ डाइरेक्टर दीपेन्द्र कुमार मिश्रले सवारी साधनका लागि आवश्यक स्पेयर पार्ट्स उपलब्ध गराउनुका साथै यसको प्रयोगको वारेमा समेत सबैलाई जानकारी प्रदान गर्नु आवश्यक भएको र यसबाट सबैलाई सहयोग पुग्ने विश्वास व्यक्त गरे ।

अटो मेकानिक्सहरुका लागि पहिलो पटक यस प्रकारको तालिम आयोजना गरिएको हो । सवारी साधनका लागि आवश्यक स्टार्टर, अल्टरनेटर, सेन्सर आदि बोसले नेपाली बजारमा उपलब्ध गराउदै आएको छ । सत्यदीप इन्टरनेसनलले बोसको आधिकारिक बिक्रेताको रुपमा कार्य गरिरहेको छ ।