महंगो डलर प्रभाव : हुन्डाई कोनाको बढ्यो मूल्य

काठमाडौं – नेपाली बजारमा बिक्री–वितरण भइरहेको इलेक्ट्रिक कार हुन्डाई कोनाको मूल्य बढेको छ । नयाँ मूल्य सूची अनुसार कोना इलेक्ट्रिकका दुई भेरिएन्ट मध्ये जीएलको मूल्य ६० लाख ५६ हजार र जीएलएसको मूल्य ६२ लाख ९६ हजार रुपैयाँ तोकिएको छ ।

पहिले यी दुई भेरिएन्टको मूल्य क्रमशः ५७ लाख ९६ हजार र ६० लाख ९६ हजार रुपैयाँ थियो । यस अनुसार दुई भेरिएन्टमा क्रमशः २ लाख ६० हजार र २ लाख रुपैयाँ मूल्य बढेको छ ।

अन्तर्राष्ट्रिय बजारमा डलरको भाउमा भएको वृद्धिको असरका कारण मूल्य बढाउनु परेको कम्पनी स्रोतको भनाइ छ । हुन्डाई कोनामा १०० किलोवाट क्षमताको इलेक्ट्रिक मोटर प्रयोग भएको छ । बजेटमार्फत १०० किलोवाट क्षमता सम्मका गाडीमा कर नबढाइएकाले त्यसको असर समेत परेको थिएन ।

हुन्डाई कोना नेपाली बजारमा राम्रो बिक्री भइरहेको सवारी साधन हो ।