कसरी बन्छन् मेट्रो ट्रेन अपरेटर ? यस्तो छ आकर्षण

भारतमा मेट्रो ट्रेन निकै नै लोकप्रिय छ । यसको नियन्त्रण गर्ने कार्य राज्य सरकारको हुन्छ । मेट्रो ट्रेनको लागि विभिन्न पदमा स्थायी र अस्थायी रुपमा भर्ती गरिन्छ । मेट्रो ट्रेन अपरेटरको मुख्य काम ट्रेन कन्ट्रोल सिस्टमका अनुसार ट्रेन चलाउनु हो । आवश्यकता अनुसार सानो ठुलो कुनै पनि खराब स्थितिमा ट्रेनको म्यानुअल रुपमा चलाउनु पनि यसको कार्य हो ।

मेट्रो ट्रेनमा नियुक्ति पछि अपरेटरलाई स्टेशन कन्ट्रोलर समान प्रशिक्षण गरिन्छ । जसमा ओरिएन्टेशन, फस्र्ट एड, फायर फाइटिङ, सेक्युरिटी, स्टेशन म्यानेजमेन्ट, रोलिङ स्टक, सिग्नलिङ, टेलिकम, अटोमेटिक फेयर कलेक्शन सिस्टम, ड्राइभिङ स्किल्स, रुट लर्निङ÷टेस्ट÷ट्रयाक÷स्टिम्युलेट ड्राइभिङ, सामान्य नियम एवं प्रतिक्रिया, राम्रो अंग्रेजी भाषाको ज्ञान, कस्टमर ओरिएन्टेशन एवं सफ्ट स्किल्स, फेल्योर म्यानेजमेन्ट र कुनै पनि खराब मौसममा तयारी अवस्थामा हुने आदि पर्छ ।

योग्यता
ट्रेन अपरेटर हुनका लागि कुनै पनि विश्वविद्यालय वा संस्थानबाट इन्जिनियरिङमा ३ वर्षको डिप्लोमा वा स्नातक डिग्री हुनुपर्छ । साथै कुनै पनि मान्यता प्राप्त बोर्डबाट १२ कक्षाको म्याथमेटिक्स वा फिजिक्स पढेको हुनुपर्छ । मेट्रो रेल सिग्नलिङ र रोलिङ स्टक अपरेशन्सको लागि लेटेस्ट टेक्नोलोजीको अनुभव भएको उम्मेदवारलाई प्राथमिकता दिइन्छ ।

उमेर
ट्रेन अपरेटर हुनका लागि उम्मेदवार २१ देखि ३० वर्ष बीचको हुनु आवश्यक छ । कुनै कुनै मेट्रो स्टेशनका लागि अधिकतम ४० वर्षको उमेरलाई पनि मान्यता दिइन्छ ।

चयन प्रक्रिया
ट्रेन अपरेटर उम्मेदवार चयनका लागि शैक्षिक योग्यता, लिखित परिक्षा र व्यक्तिगत अन्तरवार्ताबाट चयन गरिन्छ । यदि कुनै पदका लागि उम्मेदवार कम भएमा शैक्षिक रेकर्ड र व्यक्तिगत अन्तरवार्ताबाट पनि चयन गर्न सकिन्छ ।

ट्रेन अपरेटरको तलब
ट्रेन अपरेटरको तलब प्रति महिना १४ हजार देखि २६ हजार ९५० भारु सम्म तोकिएको छ । यद्यपि भारतमा ट्रेन अपरेटरको तलब त्यहाँको राज्य सरकारको नियमको आधारमा पनि तोकिएको हुन्छ । यी वाहेक अन्य विभिन्न सुविधा समेत उपलब्ध हुन्छ ।