निसान म्याग्नाइट र रेनो काइगर सहित ४ कारलाई ४–स्टार सेफ्टी रेटिङ

ग्लोबल एनसीएपीले निसान म्याग्नाइट र रेनो काइगर कम्प्याक्ट एसयूभीको सेफ्टी परीक्षण गरेको छ । यी दुबै कारहरू सीएमएफ–एप्लस प्लेटफर्ममा आधारित छ र इन्जिन पनि समान छ । दुवैले फोर स्टार रेटिङ पाएका छन् ।

त्यसैगरी होन्डा ज्याज र फोर्थ जेन होन्डा सिटीले पनि उही रेटिङ पाएको छ ।

निसान म्याग्नाइट डिसेम्बर २०२० मा लन्च गरिएको थियो । म्याग्नाइटले एडल्ट ओक्युपेन्ट प्रोटेक्शन टेस्टमा ४–स्टार रेटिङका साथ १७ मध्ये ११.८५ अंक हासिल गरेको छ । म्याग्नाइटले चाइल्ड ओक्युपेन्ट प्रोटेक्शन टेस्टमा २–स्टार रेटिङको साथमा ४९ अंकमा २४.८८ अंक प्राप्त गरेको छ ।

रेनो काइगरले पनि एडल्ट ओक्युपेन्ट प्रोटेक्शन टेस्टमा ४–स्टार रेटिङका साथ १७ अंकमा १२.३४ अंक पाएको छ । जबकि चाइल्ड ओक्युपेन्ट प्रोटेक्शन टेस्टमा २–स्टार रेटिङको साथमा ४९ अंकमा २१.०५ अंक प्राप्त गरेको छ ।

निसान म्याग्नाइट र काइगरमा समान १.०–लिटर नेचुरली एस्पिरेटेड पेट्रोल र १.०–लिटर टर्बो पेट्रोल इन्जिन समावेश गरिएको छ, जसले क्रमशः ७१ बीएचपी पावर र ९६ एनएम टर्क तथा ९९ बीएचपीमा १६० एनएमको टर्क जेनेरेट गर्छ । ट्रान्समिसन विकल्पमा स्ट्यान्डर्डको रूपमा ५ स्पिड म्यानुअल गियरबक्स समावेश गरिएको छ, जबकि टर्बो पेट्रोल युनिटमा वैकल्पिक रूपमा सीभीटी अटोमेटिक युनिट जोडिएको छ ।