मारुती–टोयोटाको पहिलो इलेक्ट्रिक एसयूभी लन्च तयारी : सार्वजनिक भयो थप जानकारी

मारुती सुजुकी इन्डिया इलेक्ट्रिक भेइकल सेगमेन्टमा प्रवेश गर्ने तयारी गरेको छ । रिपोर्टका अनुसार मारुती र टोयोटाले संयुक्त रूपमा ग्लोबल मिडसाइज इलेक्ट्रिक एसयूभी विकास गरिरहेका छन् । कम्पनीले यसलाई वाईवाई८ कोडनेम दिएको छ । रिपोर्ट अनुसार यो भारतीय बजारमा पहिले देखि नै उपलब्ध ईभी भन्दा धेरै शक्तिशाली हुनेछ ।

मारुती–टोयोटाको यो इलेक्ट्रिक एसयूभी टाटा नेक्सन ईभी भन्दा फराकिलो हुनेछ । यसमा ४८ केडब्ल्युएच वा ५९ केडब्ल्युएच ब्याट्री प्याक हुनेछ । यसको ड्राइभिङ रेन्ज ४०० देखि ५०० किलोमिटर सम्म हुनेछ । यसले भारतीय बजारमा टाटा नेक्सन ईभीसँग प्रत्यक्ष प्रतिस्पर्धा गर्नेछ ।

मारुती–टोयोटा वाईवाई८ को लम्बाई ४.२ मिटर भन्दा बढी हुनेछ । यो टाटा नेक्सन ईभी भन्दा लामो हुनेछ । यद्यपि, यो एमजी जेडएस ईभी भन्दा कम चौडाइको हुनेछ । साथै, यसको ह्विलबेस नेक्सन र एमजी जेडएस ईभी भन्दा बढी हुनेछ । यसमा ब्याट्रीको साइज पनि दुबै इलेक्ट्रिक एसयूभी भन्दा बढी हुनेछ ।

मारुती–टोयोटा वाईवाई८ इलेक्ट्रिक एसयूभीमा टु–ह्विल र फोर–ह्विल ड्राइभिङ हुने सम्भावना छ । टु–ह्विल ड्राइभ भेरिएन्टमा १३८ एचपीको मोटर र ४८ केडब्ल्युएचको ब्याट्री प्याक जडान गर्ने सम्भावना छ । यसको रेन्ज ४०० किलोमिटर हुन सक्छ । फोर–ह्विल ड्राइभ भेरिएन्टमा १७० एचपीको पावर भएका २ वटा इलेक्ट्रिक मोटरहरू जडान गर्ने सम्भावना छ । यसमा ५९ केडब्ल्युएच ब्याट्री प्याक र ५०० किलोमिटर रेन्ज दिने अपेक्षा गरिएको छ ।

मारुती–टोयोटाको इलेक्ट्रिक एसयूभीमा भारतमा निर्मित ब्याट्री प्रयोग गरिने छ । यो ब्याट्री गुजरातको स्थानीय लिथियम आयोन ब्याट्री निर्माता टीडीएसजीले उत्पादन गर्नेछ । मारुती–टोयोटा वाईवाई८ इलेक्ट्रिक कार २०२५ सम्म लन्च हुनेछ । यसको मूल्य १३ देखि १५ लाख भारु बीच हुने अनुमान गरिएको छ ।