स्कोडाको नयाँ सेडान स्लाभिया सार्वजनिक, दुई इन्जिन अप्सनमा उपलब्ध हुने

स्कोडा स्लाभिया सेडान भारतमा वर्ल्ड प्रिमियर गरिएको छ । हाल बजारमा उपलब्ध स्कोडा -यापिडलाई यसले प्रतिस्थापन गर्नेछ ।

डिजाइनको सन्दर्भमा स्कोडा स्लाभियामा पहिले जस्तै स्कोडा बटरफ्लाई ग्रिल र एलईडी हेडलाइट उपलब्ध छ । पछिल्लो भागमा क्रिस्टलाइन डिटेलिङ सहित एलईडी टेलल्याम्प छ ।

इन्टेरियरमा १० इन्च इन्फोटेनमेन्ट सिस्टम, वायरलेस चार्जिङ, भर्चुअल ककपिट, अटोमेटिक क्लाइमेट कन्ट्रोल आदि फिचर उपलब्ध छन् ।

सेफ्टीका लागि यसमा ईएससी, रियर पार्किङ क्यामेरा, क्रुज कन्ट्रोल, मल्टी–कोलिजन ब्रेक र ६ एयरब्यागलगायतका विभिन्न फिचर उपलब्ध छन् ।

१.० लिटर र १.५ लिटर टीएसआई इन्जिनमा उपलब्ध हुने स्कोडा स्लाभिया ६–स्पिड म्यानुअल, ६–स्पिड टर्क कन्भर्टर र ७–स्पिड डीएसजी ट्रान्समिसन अप्सनमा उपलब्ध हुनेछ । ३ ट्रिम र ५ कलरमा उपलब्ध हुने स्कोडा स्लाभियाको औपचारिक लन्च भने नयाँ वर्ष पश्चात मात्र हुने बताइएको छ ।

स्कोडा स्लाभिया एमक्युबी एओ आईएन प्लेटफर्ममा बन्ने दोस्रो कार हुनेछ । यो भन्दा पहिले बजारमा उपलब्ध स्कोडा कुशाक यही प्लेटफर्ममा आधारित छ । यसको मूल्य भने आगामी सन् २०२२ मा लन्चिङ पश्चात मात्र सार्वजनिक गरिने छ ।

स्कोडा स्लाभियाले हाल बजारमा उपलब्ध हुन्डाई भर्ना, होन्डा सिटी आदिसँग प्रतिस्पर्धा गर्नेछ । अन्तर्राष्ट्रिय बजारमा लन्च हुने समयमै यो सेडान नेपाली बजारमा समेत उपलब्ध हुने अनुमान गर्न सकिन्छ ।