रे–जीआर १२५ एफआईको नेपालमा एक बर्ष पूरा, नयाँ स्कुटर खरिद गर्दा स्मार्ट हेल्मेट उपहार

यामाहाको लोकप्रिय स्कुटर रे–जीआर १२५ एफआईको बिक्री प्रारम्भ भएको १ बर्ष पूरा भएको छ । उक्त अवसर पारेर नेपालस्थित आधिकारिक बितरक एमएडब्लु इन्टरप्राइजेजले यो स्कुटर खरिद गर्ने ग्राहकलाई एकथान स्मार्ट हेलमेट प्रदान गर्ने बताएको छ ।

महंगो र अत्याधुनिक विशेषताको यो हेल्मेटमा राइडरले ब्लुटुथ कनेक्टिभिटी, नेभिगेसन एसिस्ट र कल एन्ड एसएमएस नोटिफिकेसन जस्ता फिचर्स चलाउन सक्नेछन् । स्मार्ट हेलमेटको साथमा हाल लागू हुँदै आएको दशैं तिहार स्किम समेत पाइने कम्पनीले बताएको छ । जस अन्तर्गत बम्परमा एकजना भाग्यशाली विजेताले १२ तोला सुन उपहार पाउनेछन् ।

फेस्टिभल सिजनमा यामाहा मोटरसाइकल तथा स्कुटर खरिद गर्ने ग्राहकले स्क्र्याचमार्फत न्यूनतम ८ हजारदेखि १ लाख रुपैयाँसम्म स्योरसट छुट पाउनेछन् । त्यसैगरी लक्की ड्रमार्फत हरेक हप्ता एकजना भाग्यशाली विजेताले ४ तोला सुनको एक्का तास उपहारस्वरुप पाउने बताइएको छ । बम्परमा भने एकजना भाग्यशाली विजेताले ४ तोला तौल भएको तीनवटा एक्का तास अर्थात १२ तोला सुन उपहार पाउनेछन् ।

१२५ सीसी सेग्मेन्टमा सर्बाधिक रुचाइएको रे–जीआर स्ट्रिट ¥याली एडिसनमा समेत उपलब्ध रहँदै आएको छ । एफआई इन्जिनका कारण यो स्कुटरले सेग्मेन्टकै सर्बाधिक ५८ किलोमिटर प्रतिलिटर माइलेज प्रादन गर्ने दाबी गरिएको छ । साथै यसको पावर तथा पर्फमेन्स समेत उत्कृष्ट रहेको छ ।

यो स्कुटरमा एलईडी हेड लाइट, ब्रस गार्ड एलइडी टेल लाइट, ब्लुटुथ कनेक्टिभिटी र हाइब्रिड इन्जिन उपलब्ध गराइएको छ । यो स्कुटरको लुक्स समेत बजारमा उपलब्ध अन्य स्कुटरको तुलनामा पृथक खालको छ । जसलाई कम्पनीले मोटरसाइकलबाट प्रेरित डिजाइन भनेको छ ।

यामाहा रे–जीआर सन् २०२१ का लागि स्कुटर अफ दि इयर अवार्डबाट सम्मानित स्कुटर समेत हो । यो स्कुटरको बेस भेरिएन्टलाई २ लाख ४६ हजार ९ सय रुपैयाँमा खरिद गर्न सकिन्छ ।

नेपाली बजारमा गत वर्ष असोज ७ गते भर्चुअल माध्यमबाट पहिलो पटक सार्वजनिक गरिएको सो स्कुटर निकै नै रुचाइएको स्कुटर मध्ये एक हो ।