सवारीसाधन अनुमति पत्र (लाइसेन्स)को आवदेन खुलाउन यातायात कार्यालयसँग छलफल गर्दै विभाग

काठमाडौं– यातायात व्यवस्था विभागले सवारी अनुमतिपत्र (लाइसेन्स) को परीक्षा खुलाउने विषयमा प्रदेशका यातायात कार्यालयसँग छलफल सुरु गरेको छ । कोरोना महामारीका कारण सुरु भएको लकडाउनसँगै बन्द भएको सवारी चालक अनुमति पत्रको लिखित र ट्रायल परीक्षा खुलाउनका लागि प्रदेशका यातायात कार्यालयसँग विभागले छलफल सुरु गरेको हो ।

प्रदेशको भौतिक पूर्वाधार मन्त्रालय र त्यसको मातहतमा रहेका यातायात कार्यालयको माग अनुसार सवारी चालक अनुमति पत्रको लिखित र ट्रायल परीक्षा खुलाउने विषयमा यातायात कार्यालयहरुसँग छलफल भैरहेको यातायात व्यवस्था विभागका महानिर्देशक गोगनबहादुर हमाल बताउँछन् ।

‘हामीले लाइसेन्सको आवेदन खुला गर्ने विषयमा यातायात कार्यालयहरुसँग समन्वय गरिरहेका छौं,’ हमालले भने, ‘अबको एक महिनामा लाइसेन्सको आवेदन खुला गर्छौं ।’