दराजमार्फत महिन्द्रा जेन्युइन पार्टस् मगाउँदा १० प्रतिशत छुट

महिन्द्रा प्यासेन्जर कारको जेन्युइन स्पेयर पार्टस् दराज एपमार्फत मगाउँदा कम्पनीले १० प्रतिशत छुट दिने योजना ल्याएको छ ।

महिन्द्रा कारको नेपालका लागि आधिकारिक बितरक अग्नी ग्रुप अन्तर्गतको बालाजु अटो वक्र्सले महामारीको बिषम परिस्थितीलाई मध्यनजर गर्दै अनलाईन एप दराजमार्फत महिन्द्रा ब्रान्डको जेन्युइन स्पेयर पार्टस् र एसेसोरिज घरमै बसीबसी खरिद गर्न सकिने योजना ल्याएको हो ।

महिन्द्रा ब्रान्डका प्यासेन्जर कार र पिकअप गाडीको जुनसुकै स्पेयर पार्टस दराजमार्फत खरिद गर्न सकिने कम्पनीले बताएको छ । यसरी खरिद गर्दा ग्राहकले छुटका साथ आफ्नै घरमा डेलिभरी समेत पाउने छन् ।

यसले अहिलेको बिषम परिस्थितीमा ग्राहकलाई कम्पनीको सेवा प्रवाह गर्न सहज हुने कम्पनीको बिश्वास छ । यसले महिन्द्रा गाडीको जेन्युइन पार्टस् प्रयोग गर्नबाट ग्राहक बञ्चित हुुनु नपर्ने समेत उसको भनाई छ ।