२३ दिनमै देशभरका कठिन अफरोड गन्तव्यहरूमा पुग्ने विश्वकै पहिलो पिकअप ट्रक टुनल्यान्ड जी७

काठमाडौं - नेपालमा भर्खर भित्रिएको पिकअप ट्रक टुनल्यान्ड जी७ ले विश्व इतिहास रचेको छ । यसले २३ दिनभित्रै नेपालका आठवटा सबैभन्दा अग्ला र कठिन अफरोड स्थानमा पुगेर विश्वमै नयाँ कीर्तिमान बनाएको कम्पनीले बताएको छ । यस उपलब्धिले यसको शक्ति र क्षमताका साथै कठिन स्थानका लागि पनि यो भरपर्दो रहेको कुरालाई प्रमाणित गरेको छ ।

टुनल्यान्ड जी७ ले नेपालका सबैभन्दा कठिन भूभागहरू सफलतापूर्वक पार ग¥यो । यो यात्रा दार्चुलाको हिकिला (१,९६७ मिटर), पर्वतको फलामे (२,३२५ मिटर), इलामको सन्दकपुर (३,६३६ मिटर), कर्णालीको जुम्ला (२,५१४ मिटर), मनाङको खाङसार (३,७५६ मिटर), ढोरपाटन (३,९०० मिटर), माथिल्लो मुस्ताङको कोरोला सीमा (४,६६० मिटर) र संखुवासभाको गुफापोखरी (२,८९० मिटर) लगायतका उच्च भूभाग र दुर्गममा अवस्थित क्षेत्रमा गरिएको थियो । यी मार्गमा ठाडो उकालो, भीर र कच्ची बाटाहरू रहेका थिए ।

टुनल्यान्ड जी७ ले ती सबै गन्तव्यलाई सफलतापूर्वक नेभिगेट ग¥यो र तिनीहरूको पूर्ण क्षमता अनुभव गर्ने अहिलेसम्मकै उत्कृष्ट फोर बाई फोर अफरोड पिकअप बन्न सफल भएको छ । यसमा भएको १६० एचपी पावर र ३९० एनएम टर्कले यात्राभरि नै असाधारण पुल फोर्स देखाएको थियो । आर१८ टायरले हिलो र ढुङ्गामा राम्रो ग्रिप दिँदै सन्तुलन कायम राख्न मद्दत ग¥यो । २२५ एमएम ग्राउन्ड क्लियरेन्सले गर्दा बाटोमा आएका ढिस्कामा नअड्किएरै पिकअप सजिलै अघि बढ्यो । उकालो चढ्दा वा ओरालो झर्दा ‘हिल होल्ड’ र ‘हिल डिसेन्ट कन्ट्रोल’ले अत्यन्त सहज अनुभव दिएको छ ।

बाहिरी रूपमा कडा देखिने टुनल्यान्ड जी७ भित्रचाहिँ विलासी र आरामदायी छ । यसमा प्यानोरामिक सनरुफ, तातो/चिसो हुने १२–तरिकाले एडजस्ट गर्न मिल्ने इलेक्ट्रिक सिट, १२.३ इन्चको इन्फिनिटी स्क्रिन, अटोमेटिक एसी र स्मार्ट स्टार्ट बटन रहेको छ। यी सबै कुराले संयोजनले चालकको लामो र थकाइपूर्ण यात्रालाई पनि सहज बनाएको छ ।

२३ दिने यो यात्रा टुनल्यान्ड जी७ को एकवर्षे परीक्षणको हिस्सा थियो । जसले यसको शक्ति, टिकाउपन र इन्धन दक्षता प्रमाणित ग-यो । नेपाली ग्राहकसँग विश्वास कायम गर्न वास्तविक परिस्थितिमा गरिएको परीक्षणको नतिजा देखाइएको हो । टुनल्यान्ड जी७ ले हरेक पाटोमा उत्कृष्ट प्रदर्शन गर्दै सबैको अपेक्षाभन्दा बढी नै उपलब्धि हासिल गरेको बताइएको छ ।

यो यात्राले टुनल्यान्ड जी७ केवल शहर वा सहज सडकका लागि मात्र होइन, जङ्गल, दुर्गम स्थान र उच्च पहाडी सडकका लागि बनेको पिकअप हो भन्ने देखाएको छ । कम्पनीले भनेको छ, ‘यो पिकअप होइन, यो त शक्ति, आराम र प्रदर्शन खोज्नेका लागि बनाइएको पावर मेसिन हो ।’