एकैपटक १२ युनिट हिमालयन ४५० हस्तान्तरण

रोयल इनफिल्डले नेपाल ल्याएको नयाँ एड्भेन्चर मोटरसाइकल ‘हिमालयन ४५०’ एकैपटक १२ युनिट डेलिभरी गरिएको छ ।

नक्सालस्थित शोरुममा पञ्चेबाजा सहित एक विशेष कार्यक्रम आयोजना गरी आधिकारिक विक्रेता अल्फा अटोमोटिभ्स प्रालिले किङफिसर एड्भेन्चर प्रालिलाई मोटरसाइकल हन्तान्तरण गरेको हो । हिमालयन ४५० को मूल्य नेपाली बजारमा ९ लाख ८९ हजार ५०० देखी १० लाख ३९ हजार ५०० रुपैयाँसम्म पर्छ ।

नेपाल आएको छोटो समयमै लोकप्रिय बन्न सफल हिमालयन ४५० विशेषगरी, युवा राइडरमाझ लोकप्रिय बनिरहेको छ । यो मोटरसाइकल हालसम्म २०० बढि यूनिट बिक्री भैसकेको छ । एड्भेन्चर राइडका लागि उपयोगी हुनेगरी यसको डिजाइन गरिएको छ भने आरामदायी यात्राका लागि सहज हुनेगरी सस्पेन्सन सेटअप जडान गरिएको छ ।

हिमालयन ४५० मा ४५२ सिसी क्षमताको नयाँ शेर्पा इन्जिन राखिएको छ । जसको अधिकमत पावर ४० पिएस र टर्क पनि ४० एनएम नै छ । यस बाइकमा डुअल च्यानल स्विचेवल एबिएस, राइड वाई वायर थ्रोटल, स्लिप एसिस्ट क्लच, ४ इन्चको गोलाकार टिएफटी स्क्रिन र १७ लिटर इन्धन अट्ने फ्यूल ट्याङ्कि पाउन सकिन्छ । अफरोड यात्राका लागी सहज होस भनेर यसमा २३० एमएमको उच्च ग्राउन्ड क्लिरियन्स दिइएको छ ।