२०२१ मा लन्च भए यी १० चर्चित कार, ६ वटा मोडल नेपाल आउन बाँकी

यो बर्ष अर्थात सन् २०२१ मा भारतमा थुपै्र ब्रान्डले नयाँ मोडलका कार लन्च गरेका छन् । लन्च भएका यी कारमध्ये १० वटा मोडल निकै नै लोकप्रिय र चर्चित बने । जसमा सबैभन्दा बढी कम्प्याक्ट र मिड साइज एसयुभी सेग्मेन्ट अन्तर्गत रहेका छन् ।

यो बर्ष रेनोले लन्च गरेको काइगर, टाटाको सफारी र पन्च, हुन्डाइकोे अल्काजार र आई २० आई लाइन, स्कोडाको कुशाक, फक्सवागको टाइगुन, महिन्द्राको एक्सयभुी ७००, एमजीको एस्टर र मारुतीसुजुकको सेकेन्ड जेनेरशेन सेलेरियो सबैभन्दा बढी चर्चामा रहे ।

यी १० कारमध्ये रेनो काइगर, टाटा सफारी, स्कोड कुशाक र फक्सवागन टाइगुन नेपाली बजारमा भित्रिएका छन् भने बाँकी ६ वटा मोडल नेपाल आउन सकिरहेका छैनन् । जसमध्ये टाटा पन्च र मारुती सुजुकी सेलेरियो अबको केही समयभित्रै लन्च हुने आधिकारिक बिक्रेताहरुले बताएका छन् ।

सुजुकीको आधिकारिक बितरक सिजी मोटो कर्पले सेलेरियोको मूल्य नै निर्धारण गरेर बुकिङ खुल्ला गरिसकेको छ । यो कार २०२२ को सुरुवाती दिनमा नेपालमा औपचारिक लन्च गरिने संभावना देखिएको छ । अन्य मोडलको नेपाल आउने मिती भने हालसम्म तय भैसकेको छैन ।