एफआई इन्जिनको लिडर यामाहा : यस्ता छन् फाइदा र नेपालमा उपलब्ध मोडल (मूल्य सहित)

एफआई इन्जिन अहिले मोटरसाइकल चलाउनेहरुका लागि नयाँ नाम होइन । मोटरसाइकल र स्कुटरको इन्जिन प्रविधिमा भित्रिएका विभिन्न नयाँ प्रविधि मध्ये एफआई इन्जिन पनि एक हो । पहिले कार्बुरेटरमा आधारित इन्जिन प्रयोग भएका मोटरसाइकल प्रयोग गरेका राइडरहरु अहिले एफआई प्रविधि भएका मोटरसाइकल चढे पछि निकै नै खुसी हुन्छन् ।

यही कुरालाई मनन गरी बजारमा विभिन्न ब्रान्डका मोटरसाइकल र स्कुटर भित्रिए पनि त्यसमा एफआई इन्जिन छ कि छैन भन्ने वारेमा धेरैले चासो दिएको पाइन्छ । यामाहाले आफूलाई एफआई इन्जिनको लिडर नै बताउने गरेको छ ।

नेपाली बजारमा पनि यामाहाका विभिन्न मोडलका मोटरसाइकल र स्कुटर उपलब्ध छन् र ती मोडलमा एफआई इन्जिन छ ।

यी हुन् एफआई इन्जिनयुक्त लोकप्रिय मोडल र मूल्य
यामाहाले एफजेड सिरिजका विभिन्न मोडलमा एफआई इन्जिन उपलब्ध गराएको छ । यामाहा एफजेड एफआई भी२, एफजेड–२५ एफआई, एफजेडएस एफआई भी२, एफजेडएस एफआई भी३ बीएस६ का साथै एक्सटीजेड १५० एफआई मोटरसाइकलमा समेत यो इन्जिन उपलब्ध छ ।
यी मध्ये सबैभन्दा कम मूल्यको मोटरसाइकल एफजेड एफआई भी२ हो र यसको मूल्य ३ लाख ४९ हजार ९ सय रुपैयाँ छ भने सबैभन्दा बढी मूल्यको मोटरसाइकल एफजेड–२५ एफआई हो । यसको मूल्य ४ लाख ७४ हजार ९ सय रुपैयाँ छ ।

त्यसैगरी यामाहा एक्सटीजेड १५० एफआईको मूल्य ५ लाख ६९ हजार ९ सय रुपैयाँ छ ।
स्कुटर सेगमेन्टमा यामाहाका फेसिनो १२५ एफआई बीएस६, रे जेडआर १२५ एफआई बीएस६ र रे जेडआर स्ट्रिट ¥याली बीएस६ उपलब्ध छन् । यी स्कुटरको मूल्य क्रमशः २ लाख ७९ हजार ९ सय, २ लाख ७४ हजार ९ सय र २ लाख ९९ हजार ९ सय रुपैयाँ छ ।

एफआई इन्जिनका फाइदा
समय र आवश्यकता अनुसार थोरै समयमा इन्धन र हावाको समिश्रणलाई इन्जिनमा पठाएर कमभन्दा कम इन्धन खर्च गरि वातावणीय प्रदूषण कम गराउने कार्य एफआई इन्जिनले गर्छ । यसमा इग्निसन च्याम्बरमा सिधै इन्धन प्रवेश हुन्छ । यसमा ८ वटा विभिन्न सेन्सरहरू लगाइएका हुन्छन् । जसले ८ तरिकाले सवारी, स्पिड, वातावरण, बाहिरी तापक्रम, एक्सिलरेसनको मात्रा आदिका आधारमा इन्धन र हावाको मिसावटको निर्धारण गर्ने गर्छ । यसमा कार्बुरेटरको जस्तो सधै समान समिश्रण हुँदैन ।

एफआई प्रविधिमा हावा र इन्धनको मिश्रण आवश्यकता अनुसार रियल टाइममा थपघट हुने गर्छ । यसले गर्दा जाडो वा गर्मी जुनसुकै मौसममा पनि सहज तरिकाले बाइक चलाउन सकिन्छ । कार्बुरेटरमा भने जाडो मौसममा स्टार्ट गर्न असहज हुने गर्छ ।

एफआई प्रविधीले एक्सिलेटर बढाउँदैमा इन्धनको फ्लोलाई मात्र बढाउँदैन । यसले त कति मात्रामा इन्धन र हावाको आवश्यक्ता हुन्छ उक्त कुरा निर्धारण गरेर मात्र आवश्यक मात्रामा इन्धन खर्च गराउँछ । फलस्वरुप कम इन्धनमा धेरै यात्रा गर्न सम्भव हुन्छ, वातावरण जोगाउँछ, सवारीको माइलेज १४ प्रतिशत सम्म बढाउछ । सवारीसाधनको सँचालन खर्च घटाउछ ।

एफआई प्रविधिले मोटरसाइकल आवश्यकताभन्दा बढी ढल्किएमा इन्धनको फ्लोलाई रोकिदिने काम पनि गर्छ । जसको सहयोगले मोटरसाइकल लडेमा पनि इन्धनको ओभर फ्लो हुन बाट जोगाउँछ ।

फ्युल इन्जेक्सन इन्जिनमा फ्युल बडी र थ्रोटल बडी गरी दुई मुख्य भाग हुन्छन् । यसले गर्दा सफा गर्न र मर्मत गर्न पनि फ्युल इन्जेक्सन इन्जिन सहज हुन्छ ।