बिग्रिएको गाडी सडकबाटै उठाउने कि नयाँ गाडी भित्र्याउने ?

चलिरहेको राम्रो कन्डिसनको गाडी अचानक सडकमै बिग्रियो भने के होला ? यो भन्दा कठिन अवस्था सायद कुनै चालकले भोग्नु नपरेको हुन सक्छ । अझ यताउता कतै वर्कशप नै नभएमा के गर्ने ? यसका लागि अन्तिम विकल्प भनेको सो गाडी कुनै अर्को गाडीमा हालेर वा तानेर (टो गरेर) उपयुक्त वर्कशपमा पु-याउनु नै हो ।

यसरी गाडी तान्न वा बोक्नका लागि टोइङ सेवा उपलब्ध गराइरहेका विभिन्न कम्पनी मध्ये टोइङ नेपाल पनि एक हो । स्थापना कालको छोटो समयमै यसले चर्चा बढाइरहेको छ । अटोमोबाइल क्षेत्रमै कार्यरत दक्ष जनशक्तिद्वारा व्यावसायिक रुपमा सञ्चालित भएकाले पनि यसले बढी चर्चा पाएको आँकलन गर्न सकिन्छ ।

टोइङ नेपालले समस्यामा परेका गाडीलाई सुरक्षित, भरपर्दो र बिश्वासिलो सेवा प्रदान गर्दै आइरहेको छ । नेपालमै पहिलोपटक यस प्रकारको व्यावसायिक सेवा उपलब्ध गराइरहेको यसको सञ्चालक मध्ये एक इन्जिनियर प्रवेश पौडेलले बताए । उनका अनुसार यो कम्पनीले टोइङ सेवाका साथै पुराना गाडी तथा मोटरसाइकलको भ्यालुएसन र सर्भिसिङ गर्नु पर्ने सवारीसाधनका लागि ग्राहकले भनेकै लोकेशनमा चालक पठाएर पिकअप र ड्रपअप सेवा समेत प्रदान गर्दै आइरहेको छ ।

चौबिसै घण्टा उपलब्ध हुने यो सेवा नेपालभर उपलब्ध छ । पछिल्लो समयमा वीरगन्ज, केरुङ, तातोपानी लगायतका सिमा नाकाबाट नेपालका विभिन्न स्थानमा नयाँ गाडी भित्र्याउने कार्यमा समेत टोइङ नेपालको संलग्नता रहदै आएको छ । नयाँ गाडी गुडाएर ल्याउदा कोरिने वा स्क्र्याच हुने समस्या आउने हुनाले गाडी आयातकर्ता कम्पनीहरुले गाडीमै राखेर नयाँ गाडी भित्र्याउने गरेको पाइन्छ । यस कार्यमा सहयोगी बनेको छ टोइङ नेपाल ।

पौडेल भन्छन, ‘कतिपय भिआईपी ग्राहकले भन्सार नाकासम्म आएको आफ्नो नयाँ गाडीमा पहिलो ड्राइभ गर्ने इच्छा समेत जाहेर गर्छन् । यस्तो अबस्थामा यो कम्पनीले नयाँ गाडीलाई सुरक्षित तवरबाट ग्राहकको लोकेशनसम्म पु¥याएर उनीहरुको चाहना पुरा गर्ने कार्य समेत गर्दै आइरहेको छ ।’

यसरी गाडी ओसार्नका लागि आवश्यक सहयोगी भूमिका खेल्ने कर्मचारीहरु पनि प्रशिक्षित रहेका छन् । इन्जिनियर पौडेलका अनुसार अटोमोबाइल एसोसिएसन अफ सिलोन श्रीलंकाबाट समेत प्रशिक्षित कर्मचारीहरु यसमा संलग्न छन् । सुरक्षालाई प्राथमिकता दिने र दर पनि उपयुक्त भएकाले टोइङ नेपाल धेरैको रोजाइ बन्दै गएको छ । गुगल रेटिङमा टोइङ नेपाललाई फाइभ स्टार रेटिङ प्रदान गरिएको छ ।

यसअघि परम्परागत तवरबाट पुराना ट्रकमा बोकेर उद्धार गरिने यस्ता गाडीलाई टोइङ नेपालले विशेष प्रकारबाट निर्माण गरिएको ट्रकमा व्यावसायिक टिमका साथ सुरक्षित तवरबाट सेवा प्रदान गर्दै आइरहेको छ । ‘हामीले यो सेवा प्रदान गर्नका लागि दक्ष तथा अनुभवी ड्राइभर र स्टाफहरु खटाएका छौ’ पौडेलले भने – रेस्क्यु गर्नुपर्ने गाडीलाई मेसिनले तानेर ट्रकमा राखेपछि स्टाफले बलियोसँग बेल्टले बाध्छन र बिस्तारै ग्राहकले भनेको लोकेसनसम्म सुरक्षित तवरबाट पु¥याइदिन्छौ ।’

स्थापना कालको छोटो समयमै यसले चर्चा बढाइरहेको छ । अटोमोबाइल क्षेत्रमै कार्यरत दक्ष जनशक्तिद्वारा व्यावसायिक रुपमा सञ्चालित भएकाले पनि यसले बढी चर्चा पाएको आँकलन गर्न सकिन्छ ।

टोइङ नेपालले प्रदान गर्ने यस प्रकारको सेवा प्रभावकारी बन्दै गएपछि पछिल्लो समय विभिन्न अटोमोबाइल कम्पनी र अन्य सेवाग्रहीको चाप समेत बढ्न थालेको उनको भनाइ छ । यो सेवा लिनका लागि ग्राहकले ९८०२३०५०५० मा सम्पर्क गर्न सक्नेछन् । सेवा लिन र यसको वारेमा विस्तृत जानकारी लिनका लागि टोइङ नेपालको वेबसाइट हेर्न सकिन्छ । कार, एसयूभी र अन्य विभिन्न सवारीका लागि उपलब्ध भइरहेको सेवा अन्तर्गत कर्पोरेट डिस्काउन्ट समेत रहेको छ ।

टोइङ नेपालले ब्यावसाय संचालनको साथसाथै सामाजिक उत्तरदायित्व समेत बहन गर्दै आइरहेको छ । कम्पनीले व्यावसायबाट आर्जन भएको मुनाफाबाट हरेक बर्ष १० प्रतिशत रकम सडक दुर्घटनामा परेर ज्यान गुमाएका र घाइते भएका व्यक्तिको उपचारमा खर्च गर्दै आइरहेको छ । साथै कुनै पनि गाडी बिग्रिएको र दुर्घटनामा परेको जानकारी प्राप्त हुने बित्तिकै यसो हुनुका पछाडि के–के कारणहरु हुन सक्छन भनेर विस्तृत रिपोर्ट नै तयार गर्ने गरेको पौडेलले बताए ।

यसरी रिपोर्ट बनाउँदा नेपालमा के कस्ता गाडीहरु आयात भैरहेका छन्, कुन ठाउमा बढी दुर्घटना भएको छ र कस्ता प्रकारका दुर्घटना बढीमात्रामा भएका छन् भन्ने बिषयमा केन्द्रित हुने हुँदा आफूहरुले तयार पार्ने रिपोर्ट प्रभावकारी हुने उनको जिकिर छ । यसरी तयार पारिएको रिपोर्टलाई रोड सेफ्टीका क्षेत्रमा काम गर्ने संघसंस्थाले प्रयोग गर्न चाहेको खण्डमा निःशुल्क उपलब्ध गराउँदै आएको उनले बताए । नेपालमा भेइकल सेफ्टी, रोड सेफ्टी र रोड साइड एसिस्टेन्सका क्षेत्रमा आफूहरुले नयाँ सोचाइका साथ काम गर्ने योजना बनाएका कारण भबिष्यमा टोइङ नेपालको व्यावसायिक सफलताले थप उचाई चुम्ने उनको ठहर छ ।