टाटा नेक्सन ईभी बन्यो २०२० मा भारतमा सबैभन्दा बढी बिक्री हुने इलेक्ट्रिक कार

ISUZU

yamaha-nepal
tvs-race
thee-go

भारतमा टाटा मोटर्सको टाटा नेक्सन ईभी सबैभन्दा बढी बिक्री हुने इलेक्ट्रिक कम्प्याक्ट एसयूभी बनेको छ । २०२० मा टाटा नेक्सन ईभी २६०० भन्दा बढी युनिट बिक्री भएको थियो ।

नेक्सन ईभी २८ जनवरी २०२० मा लन्च गरिएको थियो । यद्यपि सो कारको बिक्री मार्चमा सुरु भएको थियो । त्यसपछि कोरोनाको महामारीको कारण सो कारको बिक्रीमा रोकावट आएको थियो ।

टाटा मोटर्सले यो वर्ष नेक्सन ईभी २६०२ युनिट बिक्री गरेको थियो । सो कार कुल ४१३७ युनिट बिक्री गरेको थियो । जसको मतलब नेक्सन ईभीको बजार हिस्सा लगभग ६३ प्रतिशत रहेको छ ।

२०२० मा एमजी जेडएस ईभी १२४३ युनिट बिक्री भएको थियो । जसको बजार हिस्सा ३० प्रतिशत रहेको छ । हुन्डाई कम्पनीले पनि कोना इलेक्ट्रिक कार १८३ युनिट बिक्री गरेको थियो भने टिगोर ईभी १०० युनिट बिक्री गरेको थियो । महिन्द्रा ई–भेरिटो भने ९ युनिट मात्र बिक्री गर्न सफल भएको थियो ।

Motorhead

नेक्सन ईभीमा ३०.२ केडब्ल्युएच लिथियम आयोन ब्याट्री समावेश गरिएको छ । जसले १२७ बीएचपीको पावर र २४५ एनएमको टर्क जेनेरेट गर्छ । कम्पनीले नेक्सन इलेक्ट्रिक कार ९.९ सेकेन्डमा ० देखि १०० किलोमिटर प्रति घन्टाको स्पिड लिने दावी गरेको छ ।

नेक्सन ईभीमा प्रयोग गरिएको व्याट्री फुल चार्जिङमा ३१२ किलोमिटर भन्दा बढी रेन्ज तय गर्छ । सो आँकडा एआरएआईले प्रमाणित गरेको हो । सो इलेक्ट्रिक कारमा फास्ट चार्जिङको क्षमता पनि रहेको छ । सो व्याट्री १ घन्टामा डीसी फास्ट चार्जरको प्रयोगले ८० प्रतिशतसम्म चार्ज गर्न सकिन्छ । साथै स्ट्यान्डर्ड एसी चार्जरको प्रयोग गरी ८ देखि ९ घन्टामा फुल चार्ज गर्न सकिन्छ ।

 


Subscribe Now