‘सडक सुरक्षा सम्बन्धी मन्त्रिस्तरीय स्टकहोम्स सम्मेलन’ विषयक उच्चस्तरीय अन्तरक्रिया हुने

ISUZU

yamaha-nepal
tvs-race
thee-go

काठमाडौं – नेपाल अटोमोबाइल्स एसोसिएसन (नासा) लगायत दर्जनौँ सरोकारवाला संस्थाहरुको संयुक्त आयोजनामा अनलाइन एप जुममार्फत यही नोभेम्बर ९ तारिख (कार्तिक २४ गते) सोमबारका दिन ‘सडक सुरक्षा सम्बन्धी मन्त्रीस्तरिय स्टकहोम्स सम्मेलन’ विषयक उच्चस्तरिय अन्तरक्रिया कार्यक्रम आयोजना हुने भएको छ ।

Federation Internationale De l’ Automobile (FIA) तथा FIA Foundation द्वारा संचालित विश्वव्यापी अभियान “This is My Street” लाई निरन्तरता दिदैँ सोही अन्तर्गत उक्त अन्तरक्रिया कार्यक्रम आयोजना हुनेछ जसमा आधुनिक सहर व्यवसथापनमा सडक, फुटपाथ तथा साइकल लेन र पैदल यात्रीको सुरक्षाबारे छलफल हुने बताइएको छ ।

संसदको विकास तथा प्रविधि समितिकी अध्यक्ष माननीय कल्याणी खड्का तथा नगरपालिका संघ नेपालका अध्यक्ष अशोक कुमार ब्यन्जु अतिथि रहने सो कार्यक्रममा नेसनल एलायन्स फर सेफ एण्ड सस्टेनेबल मोबिलिटी नेपालकी बोर्ड सदस्य ऋतु भट्ट राई तथा नासा फाउण्डेसनका बोर्ड सदस्य डा. पुष्पराज पन्तले कार्यपत्र प्रस्तुत गर्नेछन् ।

त्यस्तै, कार्यक्रममा यातायात व्यवस्था विभागका महानिर्देशक गोगन बहादुर हमाल, नेपाल इन्टरमोडल यातायात विकास बोर्डका कार्यकारी निर्देशक आशिष गजुरेल र उच्च माध्यमिक विद्यालय संघ नेपालका सचिव रामहरि सिलवाल टिप्पणीकर्ताको रुपमा रहनेछन् भने कार्यक्रमलाई राष्ट्रिय खेलकुद परिषदका बोर्ड सदस्य गोविन्द भट्टराईले संयोजन गर्ने छन् ।

सडक तथा यातायात क्षेत्रका विभिन्न व्यक्तित्व गरि कुल ८० जना भन्दा बढीको सहभागिता रहने उक्त कार्यक्रममा Stockholm Declaration तथा सडक सुरक्षा सम्बन्धी राष्ट्रिय योजनाहरु बारे समेत छलफल हुनेछ ।

स्मरण रहोस्, संयुक्त राष्ट्र संघले सडक सुरक्षा सम्बन्धी अभियान संचालनका लागि २०२०–२०३० लाई विशेष दशकको रुपमा लिएको छ ।

Registration Link :

 


Subscribe Now