यस्ता छन् कारमा हुने ड्यासबोर्डका संकेत, सतर्क हुनु आवश्यक

ISUZU

thee-go
tvs-race
yamaha-nepal

कारको ड्यासबोर्डमा धेरै प्रकारको इन्जिन, फ्युल, साइडलाइट आदि संकेत गर्ने बत्ति समावेश हुन्छ । सामान्यतया कारमा चाबी राखेपछि ड्यासबोर्डमा भएको बत्ति पनि बल्छ । ड्यासबोर्डमा भएका विभिन्न संकेतले विभिन्न अर्थ दिन्छन् ।

सिटबेल्ट इन्डिकेटर
सामान्यतया ड्राइभरले सिटबेल्टको प्रयोग नगर्दा यो इन्डिकेटर देखिन्छ । हाल नयाँ कारमा सिटबेल्टको लागि सेन्सरको जडान गरिएको हुन्छ । यदि चालकले सिटबेल्टको प्रयोग गर्न भुलेको छ भने यसले चेतावनी दिएको हुन्छ । यसलाई बेवास्ता गर्नु हुँदैन । किनकी सिटबेल्टको प्रयोगले दुर्घटना भएको समयमा ५० प्रतिशतसम्म चोटपटक लाग्नबाट जोगाएको हुन्छ ।

एयरब्याग इन्डिकेटर
कारमा एयरब्यागको लागि पनि सेन्सर समावेश गरेको हुन्छ । कारमा एयरब्यागको इन्डिकेटरले कस्तो संकेत दिएको छ त्यसमा विशेष ध्यान दिनु पर्ने हुन्छ । किनकी कार दुर्घटना भएको समयमा यही एयरब्यागले चालकलाई गम्भीर चोटपटक लाग्नबाट जोगाएको हुन्छ ।

ब्रेक इन्डिकेटर
सो इन्डिकेटरले धेरै कुरालाई संकेत गरेको हुन्छ । पार्किङ स्थलमा ब्रेक लगाएको छ कि छैन, ब्रेकको फ्लुइड स्तर कम छ कि छैन र दुई ब्रेकिङ सर्किट बीचको हाइड्रोलिक दबाव कस्तो छ भन्ने देखाएको हुन्छ । ब्रेक इन्डिकेटरले तरल पदार्थ चुहावट भएको नभएको संकेत गरेको हुन्छ । हरेक विहान यात्रा गर्नु भन्दा पहिला तरल पदार्थको जाँच गर्नुहोस् । किनकि कहिलेकाही यसको प्रकाश दिउँसो ढिला हुन्छ । केही नयाँ कारमा ब्रेक प्याड चेतावनी लाइट पनि हुन्छ जुन प्याडहरु परिवर्तन गर्न आवश्यक छ ।

एबीएस इन्डिकेटर
केही कारहरुमा छुट्टै एबीएस लाइट हुन्छ जसले एबीएस प्राणालीको साथ समस्याको संकेत गर्छ । यदि यो बन्द भयो भने एन्टिलक ब्रेकिङ सिस्टममा खराबी छ र ब्रेक हार्ड ब्रेक अन्तर्गत लक हुन सक्छ भन्ने जानकारी दिएको हुन्छ । यसको लागि चाँडै नै मेकानिक्सकोमा जाँच गर्नु पर्छ ।

टेम्पेरेचर वार्निङ
नयाँ कारमा टेम्पेरेचर वार्निङ फिचरको रुपमा प्रयोग गरेको छ । कारको इन्जिन बढी तातियो भने यसले इन्डिकेट गरेको हुन्छ । यसलाई बेवास्ता गर्नु हुँदैन ।

आयल लेवल/प्रेसर वार्निङ
हाल कारको ड्यासबोर्डमा आयल लेवल र प्रेसर वार्निङको इन्डिकेटर पनि समावेश गरेको छ । सामान्यतया कारमा तेलको स्तर कम भयो भने यसले संकेत गर्छ । तेलको स्तर कम भयो भने यसले चेतावनी दिएको हुन्छ । यसलाई बेवास्ता गर्नु हुँदैन ।

इलेक्ट्रिक सिस्टम वार्निङ
सो इन्डिकेटरले व्याट्रीमा कुनै खराबी आएमा संकेत गरेको हुन्छ । यसमा केही वैकल्पिक समस्याहरु देखाएमा यस्तो हुन सक्छ । यसको लागि मेक्यानिक्सकोमा गएर जाँच गर्नु पर्छ ।

ट्रान्समिसन वार्निङ लाइट
यो धेरै प्रकारमा आउन सक्छ जस्तै गियरसिफ्ट वा ट्रान्समिसन फ्लुइड ओभरहिटिङको साथमा खराबीको संकेत गरेको हुन्छ । यो प्रायः ट्रकहरुमा देख्न सकिन्छ ।

टायर प्रेसर मोनिटरिङ सिस्टम
यसको संकेत कि त टीपीएमएस वा टायरमा लो प्रेसर हुँदा देखाएको हुन्छ । यसको लागि तुरुन्त जाँच गर्नुपर्छ । कम दबावले टायर ओभरहिटिङको कारण टायर पड्कन पनि सक्छ ।

हाई विम इन्डिकेटर
हाई विम इन्डिकेटरबाट जहिले पनि होशियार हुनु पर्छ । यसले विपरित दिशाबाट आएको अन्य बाइक चालकलाई असर गर्न सक्छ । सायद दुर्घटना पनि निम्त्याउन सक्छ ।


Subscribe Now