एम्पियर ई–स्कुटर बुकिङका लागि अनलाइन सुविधा

ISUZU

tvs-race
yamaha-nepal
thee-go

काठमाडौं – नेपाली बजारमा उपलब्ध हुने नयाँ इलेक्ट्रिक स्कुटर एम्पियरको बुकिङ अनलाइनमार्फत गर्न सकिने भएको छ ।

ग्रिभ्स कटन लिमिटेडको इलेक्ट्रिक स्कुटर ब्रान्ड ‘एम्पियर’ लकडाउन लगत्तै नेपालमा आउने भएको छ । भारतीय बजारमा २० प्रतिशतभन्दा बढी मार्केट सेयर रहेको एम्पियर इलेक्ट्रिकलाई डीएसएम ग्लोबलले नेपाल ल्याउन लागेको हो ।

डीएसएम ग्लोबलका प्रबन्ध निर्देशक देवस्वरुप महर्जनका अनुसार लकडाउन हटेपछि मात्र स्कुटरको डेलिभरी गरिने छ । उनका अनुसार यसको फेसबुक पेज मार्फत सो ई–स्कुटर बुकिङ गर्न सकिन्छ ।

कोभिडपछि छोटो यात्राका लागि इलेक्टिक स्कुटरहरुको प्रयोग बढ्ने अपेक्षा गरेको पनि उनले गरे । अझ यी स्कुटरमा इन्धन र मर्मत खर्च नगन्य हुने भएकाले इलेक्टिक स्कुटरको लोकप्रियता उच्च हुने अनुमान गर्न सकिन्छ । पेट्रोल पम्पहरुमा भीडभाड गरी लाइन बस्न नपर्ने, पैसाको आदान प्रदान हुने र सामाजिक दुरी पनि कायम हुने भएकाले इलेक्ट्रिक स्कुटर बढी सुरक्षित हुनेछन् ।

साना तथा मझौला व्यापार व्यवसायहरुका लागि त ई–स्कुटर बरदान समान हुनेछन् । यी स्कुटरहरुको अपेरेटिङ र रनिङ कस्ट कम भएका कारण इ–कमर्शमा डेरिभरी स्कुटरका रुपमा बढी प्रयोग हुने अपेक्षा डीएसएम ग्लोबलले गरेको छ ।

एम्पियर इलेक्ट्रिक भारतमा तीव्र गतिमा विस्तार भइरहेको इभी ब्रान्ड हो जसले पारम्परिक पेट्रोल स्कुटरको तुलनामा ८५ देखि ९० प्रतिशतसम्म खर्च बचाउँछ । सार्वजनिक भएको छोटो समयमै भारतमा ५० हजारभन्दा बढी एम्पियर इलेक्ट्रिक स्कुटर विक्री भइसकेका छन् भने दुई सयभन्दा बढी आउटलेट स्थापना भइसकेको छ ।

सन् २००८ मा पहिलो पटक भारतमा सार्वजनिक भएको एम्पियर इलेक्ट्रिकलाई गत वर्ष ग्रिभ्स कटन लिमिटेडले खरिद गरेको थियो । डीएसएम ग्लोबलले हाललाई रियो र जिल मोडेलका एम्पियर ई–स्कुटर नेपाल ल्याउने तयारी गरेको छ । यी दुवै लिथियम–आयोन ब्याट्री–पावर्ड छन् ।

एम्पियर जिल भारतमा निकै चर्चित हाई स्पिड मोडल हो । यसको टप स्पिड ५५ किलोमिटर प्रति घन्टा र माइलेज ७५ किलोमिटर रहेको छ । यसमा डिजिटल डिस्प्ले, पोर्टेबल ब्याट्री प्याक जस्ता फिचर छन् । यसमा ६० भोल्ट पर ३० एम्पियर आवर क्षमता भएको लिथियम आयोन ब्याट्री र १२०० वाटको मोटर जडान गरिएको छ ।

एम्पियर रियो इन्ट्रि–लेभल स्कुटर हो जसको टप स्पिड २५ किलोमिटर प्रति घन्टा र माइलेज ५५ देखि ६५ किलोमिटर रहेको छ । ४८ भोल्ट पर २४ एम्पियर आवर क्षमता भएको लिथियम आयोन ब्याट्री र २५० वाटको मोटर रहेको छ ।

 


Subscribe Now