काठमाडौं महानगरको ६० किलोमिटर सडकमा आधुनिक बत्ति जडान प्रक्रिया शुरु

ISUZU

tvs-race
yamaha-nepal
thee-go

काठमाडौं– काठमाडौं महानगरपालिकाले ६० किलोमिटर मुल सडकमा आधुनिक बत्ति राख्ने प्रक्रिया अघि बढाएको छ । गत मंसिर २५ गते सडक विभाग, विद्युत प्राधिकरण र काठमाडौं महानगरपालिकाबीच सहमती भएसँगै महानगरपालिका भित्रका मूख्य सडकको करिव ६० किलोमिटर सडकमा आधुनिक बत्ति जडान गर्ने प्रक्रिया अघि बढेको हो ।

यातायात व्यवस्थापन र शान्ति सुरक्षालाई प्रभावकारी बनाउन र सहरलाई अझै सुन्दर बनाउन मूख्य सडकमा १ हजार ७ सयभन्दा बढी आधुनिक बत्ती जडान गर्न लागिएको महानगर प्रमुख विद्यासुन्दर शाक्यले जानकारी दिए । मेयर उज्यालो अभियान अन्तर्गत महानगरपालिकाले आफ्नो क्षेत्र भित्रका करिव ८० स्थानमा उच्च मात्रामा प्रकाश दिन सक्ने बत्ती जडान गर्ने कामलाई अघि बढाएको हो ।

महानगरभित्रका मूख्य सडकमा राखिने उक्त आधुनिक बत्ती जडानमा काठमाडौं महानगरपालिकाकोे ६० प्रतिशत र नेपाल विद्युत प्राधिकरणको ४० प्रतिशत लगानी रहने छ ।

पहिलो चरणमा त्रिपुरेश्वरदेखि महाराजगञ्जसम्म, त्रिभुवन अन्तर्राष्ट्रिय विमानस्थलदेखि त्रिपुरेश्वर हुँदै कलंकीसम्म र सिंहदरबार वरिपरि आधुनिक बत्ती जडान गरिने महानगरले जनाएको छ ।

 


Subscribe Now