२०७८ बैशाख ४ शनिबार,

आयो जिप कम्पासको फेसलिफ्ट मोडल, देखियो यस्तो परिवर्तन

जीप इन्डियाले भारतमा कम्पास एसयूभीको फेसलिफ्ट मोडल लन्च गरेको छ, जसको शुरुवाती मूल्य १६ लाख ९९ हजार भारु तोकिएको छ ।

नयाँ जिप कम्पास फेसलिफ्टलाई स्पोर्ट, लंगिच्युड, लिमिटेड र नयाँ टप मोडल एस गरी विभिन्न चार भेरिएन्टमा प्रस्तुत गरिएको छ । यसको शीर्ष भेरिएन्टको मूल्य २४ लाख ४९ हजार भारु तोकिएको छ ।

नयाँ जिप कम्पास फेसलिफ्ट हेर्दा धेरै पहिले जस्तै देखिन्छ । तर पनि कम्पनीले कम्पासको क्याबिन र सुविधाहरूमा ठूला परिवर्तनहरू गरेको छ। केही साना परिवर्तनहरू २०२१ जिप कम्पास फेसलिफ्टको बाहिरी भागमा गरिएको छ ।

एसयूभी नयाँ रङको विकल्पका साथ उपलब्ध छ । यसमा केही सामान्य कस्मेटिक परिवर्तन गरिएको छ भने ७ स्लट ग्रिलमा पनि केही परिवर्तन गरिएको छ । त्यसैगरी अघिल्लो र पछिल्लो बम्परमा परिवर्तन गरिएको छ भने फराकिलो हनिकम्ब मेस एयरड्याम उपलब्ध छ ।

यसको क्याबिनमा नयाँ ड्यासबोर्ड दिइएको छ, जुन १०.१ इन्चको ठूलो आकारको टचस्क्रिन इन्फोटेनमेन्ट सिस्टमका साथ उपलब्ध छ । यसमा अझै राम्रो अपहोल्स्ट्री छ भने स्टेयरिङ ह्विल पनि नयाँ खाले छ । त्यसैगरी अपडेटेड इन्स्ट्रयुमेन्ट प्यानल उपलब्ध छ भने सेन्ट्रल कन्सोलको स्टोरेज क्षमता पनि बढाइएको छ ।

यसको फिचरमा भएको सबैभन्दा ठूलो परिवर्तन नै १०.१ इन्चको टचस्क्रिन युनिट हो, जुन १० इन्चको एचडी इन्स्ट्रयुमेन्ट क्लस्टर डिस्प्लेका साथ आउछ । यो एफसीएको नयाँ यूकनेक्ट ५ प्रविधिमा आधारित छ र एन्ड्रोइडमा काम गर्छ । यसमा कनेक्टेड फिचर दिइएको छ, जसमा भ्वाइस कमान्ड असिस्ट र ओभर द एयर अपडेट उपलब्ध हुन्छ । सो एसयूभीमा एप्पल कारप्ले र एन्ड्रोइड अटो जस्ता फिचर प्रयोग गर्न सकिन्छ ।

tvs-race thee-go

पहिले जस्तै जिप कम्पास फेसलिफ्टमा पनि ७ एयरब्याग, एबीएस र ईबीडी, इलेक्ट्रोनिक स्ट्याबिलिटी प्रोग्राम, ब्रेक असिस्ट, टेरेन मोड, हिल असिस्ट र हिल डिसेन्ट कन्ट्रोल जस्ता फिचर उपलब्ध छन् ।

नयाँ जिप कम्पास फेसलिफ्ट १.४ लिटर, फोर सिलिन्डर, मल्टी एयर पेट्रोल इन्जिन वा २.० लिटर फोर सिलिन्डर मल्टी जेट डिजेल इन्जिनका साथ उपलब्ध हुनेछ । पेट्रोल इन्जिनमा ६–स्पिड म्यानुअल वा ९–स्पिड टर्क कन्भर्टर अटोमेटिक ट्रान्समिसन विकल्प हुनेछ भने डिजेल इन्जिनमा ६–स्पिड म्यानुअल वा ७–स्पिड ड्युअल क्लच ट्रान्समिसनको विकल्प हुनेछ । टर्बो पेट्रोल इन्जिनले १६३ एचपी पावर र २५० एनएम टर्क र डिजेल इन्जिनले १७३ एचपी पावर र ३५० एनएम टर्क जेनेरेट गर्छ ।

आगामी फेब्रुअरी २ देखि यसको बुकिङ प्रारम्भ गरिने छ । सो एसयूभीको प्रतिस्पर्धा फक्सवागन टी–रक, स्कोडा कारोक, टाटा ह्यारियर र एमजी हेक्टर फेसलिफ्ट जस्ता कारसँग हुनेछ ।

 

Motorhead

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...