यस्तो छ हालै नेपाल भित्रिएको जावा क्लासिक (विशेषता र मूल्य सहित)

ISUZU

yamaha-nepal
thee-go
tvs-race

नेपाली बजारमा हालै दुई मोडलका जावा बाइक भित्रिएका छन् । क्लासिक लिजेन्ड्सले उत्पादन गरेको जावा बाइक हाल नेपाली राइडरहरुका बीच निकै नै चर्चाको विषय बनेको छ ।

दुई मोडल मध्ये एक जावा क्लासिक हो । जावाको पुरानो लिगेसी कायम राख्नका लागि यसको डिजाइन गरिएकाले यसलाई जावा क्लासिक भनिएको हो । जावा क्लासिक बाइकमा २९३ सीसीको लिक्विड कुल्ड सिंगल सिलिण्डर इन्जिन जडान गरिएको छ । जसले २७ एचपीको पावर र २८ न्युटन मिटरको टर्क जेनेरेट गर्छ । जावामा ६ स्पिड गियरबक्स ट्रान्समिसन समावेश गरिएको छ । यसमा इलेक्ट्रोनिक फ्युल इन्जेक्सन सिष्टम तथा ट्विन एक्जस्ट समावेश छ ।

जावा बाइकको ह्विल बेस १३६९ एमएम रहेको छ । जावाको सिट हाइट ७६५ एमएम छ । यसको तौल १७० किलोग्राम रहेको छ । जावाको इन्धन ट्यांकी १३ लिटरको रहेको छ ।

जावा बाइकमा कम्पनीले फ्रन्टमा एबीएसको साथमा २८० एमएम डिक्स ब्रेक र रियरमा १५३ एमएम ड्रम ब्रेक सेट अप गरेको छ । ड्युअल च्यानल एबीएसमा भने २४० एमएम डिस्क ब्रेक नै उपलब्ध छ ।

सो बाइकको फ्रन्टमा टेलिस्कोपिक हाइड्रोलिक फोर्क्स र रियरमा ग्याँसबाट चार्ज हुने ट्विन शक एब्जर्बर समावेश गरिएको छ ।

जावा क्लासिक सिंगल च्यानल एबीएसको मूल्य ६ लाख ४८ हजार ५ सय र ड्युअल च्यानल एबीएसको मूल्य ६ लाख ७६ हजार ५ सय रुपैयाँ तोकिएको छ ।


Subscribe Now