२०७८ साउन १३ बुधवार,

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै महिनाजसो एक्सचेन्ज क्याम्प चलाइरहेका हुन्छन् । पुरानो मोटरसाइकलसँग नयाँ साट्न पाइने भएपछि ग्राहक पनि यस्ता क्याम्पमा आकर्षित हुने नै भए ।

धेरैजसो ग्राहक आफूसँग भएको पुरानो मोटरसाइकल बिक्री गरी प्राप्त रकमलाई डाउनपेमेन्ट गर्दा बाँकी किस्ता तिर्न सकिने बिशेषताका कारण एक्सचेन्जमा आकर्षित भएका हुन् । यो त भयो कन्डिसनमा भएका र बिक्री गर्दासमेत राम्रै रकम आउने पुराना मोटरसाइकलको दृष्टान्त ।

तर कतिपय कम्पनीहरुले चल्दै नचल्ने अर्थात ग्यारेजमा थन्किएर बसेका मोटरसाइकललाई समेत राम्रो मुल्य दिने अफरसहित एक्सचेन्ज क्याम्प चलाउने गरेका छन् । यसरी अफरमा बिक्री भएका ती पुराना मोटरसाइकल न त रिकन्डिसन हाउसले उठाउँछन न त बिक्रेता कम्पनीहरुलेनै जम्मा गरेर राख्ने हुन् । आखिर कहाँ जान्छन त त्यस्ता थोत्रा मोटरसाइकल ?

काठमाण्डौको टेकुमा दर्जन हाराहारीमा यस्ता मोटरसाइकल उठाउने कवाडी पसल सञ्चालनमा छन् । हो तिनै कवाडी पसलले कवाडीको भाउमा यस्ता मोटरसाइकल उठाउने गर्छन् र तिनका पार्टपुर्जा छुट्याएर सेकेन्ड ह्यान्ड मूल्यमा बिक्री गर्छन् । यसरी पुराना मोटरसाइकलबाट काम लाग्ने पार्ट्स निकालेर बिक्री गर्दा नयाँ पार्ट्स बिक्री गर्ने बिक्रेताहरु समेत प्रभाबित बनेका छन् ।

अर्कोतर्फ राज्यलाई बर्षौदेखि कर नतिरी ग्यारेजमा थन्काएर राखिएका मोटरसाइकल बिक्री गर्दा राज्यले पाउनुपर्ने राजस्व समेत गुम्ने गरेको रिकिन्डसन ब्यावसायी संघका अध्यक्ष दिनेश महत बताउँछन् । उनका अनुसार पुराना मोटरसाइकललाई मर्मत सम्भार गरेर चलाउने हो भने एकातिर राज्यले उठाउन बाँकी कर समेत उठ्ने र नयाँ मोटरसाइकल खरिद गर्दा बाहिरिने रकम समेत बचत हुने देखिन्छ । ‘कम्पनीहरुले यसरी एक्सचेन्ज क्याम्प ल्याउनु उनीहरुको बिक्री बढाउने रणनीति अनुसार त ठिकै होला तर थोरै रकम खर्चेर मर्मत सम्भार गरी चलाउन सकिने साधनलाई कौडीको भाउमा बिक्री गर्नु राष्ट्रको लागि भने घाटाको ब्यापार हो’ उनले भने ।

उनको भनाइमा सहमति जनाउदै स्पेयर पार्ट्स व्यवसायी शशिकान्त अग्रवाल समेत नयाँ बाइकको बिक्री बढाउनकै लागि यसरी बाह्रै महिनाजसो एक्सचेन्ज क्याम्म चलाइनु राष्ट्रको लागि फाइदाजनक नरहेको बताउँछन् । आरएसके ट्रेड कन्सर्नका सञ्चालक उनी भन्छन्, ‘एउटा पुरानो मोटरसाइकल एक्सचेन्ज हुनु भनेको त्यसको स्थानमा अर्को नयाँ मोटरसाइकल आयात हुनु हो । यस अर्थमा ब्यापार घाटा न्यूनीकरण गर्नका लागि पनि सकेसम्म नयाँ मोटरसाइकलको आयात कम गर्न राज्यले पहल गर्नुपर्छ । यसका लागि हाल भइरहेको एक्सचेन्ज क्याम्पहरु बन्द गरिनुपर्छ ।’

एक्सचेन्ज सुबिधाकै कारण हाल सडकमा पुराना मोटरसाइकल देखिनै छाडेको उनी बताउँछन् । एक्सचेन्ज कम भयो भने स्पेयर पार्ट्सको बजार समेत बढ्ने उनको भनाइ छ ।

यो पनि पढ्नुहोस कहाँ जान्छन् थोत्रा र कवाडी मोटरसाइकल ?

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...