ब्याट्री र चिपको मूल्य घट्ने, १७ लाखको ईभी ११ लाखमा उपलब्ध हुने

ब्याट्री र चिप दुवैको मूल्य घट्ने भएको छ । यसले इलेक्ट्रिक सवारी साधनको बजार परिवर्तन हुने अनुमान गरिएको छ ।

सन् २०२१ मा एक किलोवाट आवर ब्याट्रीको लागत करिव १७ लाख र सन् २०२३ मा १३ लाख रुपैयाँ थियो । तर रिपोर्टका अनुसार सन् २०२५ सम्ममा एक किलोवाट आवर ब्याट्रीको लागत करिव ११ लाख रुपैयाँमा झर्ने अनुमान गरिएको छ ।

हाल बजारमा सामान्यतः १७ देखि १०८ किलोवाटसम्मको ब्याट्री भएका ईभी उपलब्ध छ । ईभीमा ७० प्रतिशत लागत ब्याट्रीमा हुने गरेको छ, जसको कारण ईभीको मूल्य पनि अधिक हुन्छ । तर भारतमा सेमीकन्डक्टर चिप्सको उत्पादनले ईभी कारको लागतमा थप १० प्रतिशत घटाउने अपेक्षा गरिएको छ ।

एमजी मोटर र जेएसडब्ल्यु बीचको साझेदारीले भारतीय बजारमा ईभी गाडीमा ठूलो प्रभाव पार्नेछ । एमजीले सस्तो प्रविधिका लागि चिनियाँ कम्पनी एसएआईसी मोटर्ससँग सम्झौता गरेको छ भने जेएसडब्ल्युसँग आल्मुनियम प्लान्ट छ ।

एमजी मोटर इन्डियाले कमेट ईभीको मूल्य ८ लाखबाट ७ लाख भारु बनाएको छ । सन् २०२५ सम्ममा यो सेगमेन्टका कारको मूल्य ५ लाख भारु हुनेछ । हाल बजारमा यो भन्दा कम मूल्यको पेट्रोल कार उपलब्ध छैन । यसले कार बजारमा ईभीको हिस्सा २.३ प्रतिशतबाट बढेर १० प्रतिशतसम्म पुग्न सक्ने अनुमान गरिएको छ ।