के हो सीभीटी ट्रान्समिसन यसका फाइदा र बेफाइदाहरू जान्नुहोस्

कारमा नयाँ नयाँ परिवर्तनहरू तीव्र गतिमा भइरहेका छन् । आजकल कार उत्पादन कम्पनीहरुले आफ्ना कार सीभीटी गियरबक्ससहित ल्याइरहेका छन्। सीभीटी ट्रान्समिसन पहिलो पटक सन् १९८९ मा प्रस्तुत गरिएको थियो। सीभीटी ट्रान्समिसन अर्थात् लगातार परिवर्तनशील ट्रान्समिसन भनेको के हो र यसको फाइदा र बेफाइदाहरु के के छन्, जान्नुहोस्। 

सीभीटी ट्रान्समिसन एक प्रकारको अटोमेटिक ट्रान्समिसन हो। यसले लगभग अटोमेटिक ट्रान्समिसन जस्तै काम गर्छ, तर सीभीटीमा अटो ट्रान्समिसन जस्तो गियर हुँदैन । यद्यपि, सीभीटी ट्रान्समिसन असीमित संख्यामा गियर अनुपात हुन्छ । यसले बिना कुनै चिन्ता सवारी साधनको गति निरन्तर अनुपात बढाइरहन्छ । साथै यसले नियमित अटोमेटिक ट्रान्समिसन भन्दा राम्रो काम गर्छ ।

सीभीटी ट्रान्समिसनको फाइदा

• सीभीटी ट्रान्समिसनले कारलाई सधैं सही गियरमा राख्छ। म्यानुअल र अटोमेटिक कारको तुलनामा सीभीटी ट्रान्समिसनका साथ आउने इन्जिनको स्पिडलाई टपमा राख्न डिजाइन गरिएको हुन्छ, जसका कारण गाडीको क्षमता बढ्छ । 
• सीभीटी ट्रान्समिसनमा मेकानिकल भागको संख्या कम हुन्छ। सीभीटी ट्रान्समिसन एक पुलीसँग आउँछ, जुन बेल्ट मार्फत कनेक्ट गरिएको हुन्छ । सो ट्रान्समिसनमा समस्या न्यून मात्र हुन्छ ।
• सीभीटी ट्रान्समिसन अटोमेटिक ट्रान्समिसन भन्दा हल्का हुन्छ । कम तौलको कारण इन्जिनको क्षमता निकै बढी हुन्छ र साइज पनि कम्प्याक्ट हुन्छ ।

सीभीटी ट्रान्समिसनको बेफाइदा

• सवारीसाधन सिफ्ट प्वाइन्टबाट जाँदा क्लच चिप्लिएको अनुभूति हुन्छ । यसको थ्रोटल इनपुट प्रक्रिया एकदम ढिलो हुन्छ। 
• ड्राइभिङको समयमा सीभीटी ट्रान्समिसन इन्जिन तीव्र गतिमा घुम्ने गुनासो पनि आएका छन्। यस्तो समयमा कहिलेकाहीँ ट्रान्समिसनबाट ठूलो आवाज आएको हुन्छ । यसले सवारी चलाउँदा अतिरिक्त आवाजले चालकलाई विचलित पार्न सक्छ।
• सीभीटी ट्रान्समिसन सहज ड्राइभिङको लागि अनुकूल हुन सक्छ। यसमा अपसिफ्टिङ र डाउनसिफ्टिङका ​​कारण ड्राइभिङको आकर्षण कम हुन्छ।