२०७८ जेठ ४ मंगलबार,

मारुती सुजुकी बलेनो : ५ वर्षमा ८ लाख बिक्री

मारुती सुजुकी बलेनो कार लन्च भएको पाँच वर्ष पुरा भएको छ । सन् २०१५ मा पहिलो पटक भारतमा लन्च भएको बलेनो कार गत सोमबार देखि ८ लाख भन्दा धेरै युनिट बिक्री भएको कम्पनीले जानकारी दिएको छ ।

कम्पनीले मात्र ५९ महिनामा यो उपलब्धि हासिल गरेको बताएको छ । बलेनोले प्रिमियम ह्याचब्याक सेगमेन्टमा एक सशक्त खेलाडीको रुपमा आफूलाई प्रस्तुत गरेको छ ।

कम्पनीले सन् २०१६ सम्म १ लाख युनिट बलेनो बिक्री गरेको थियो भने २०१८ सम्म ५ लाख युनिट बिक्री गरेको थियो । भारतमा २ सय सहरमा ३७७ केन्द्रमार्फत यसको बिक्री हुन्छ । यो वाहेक कम्पनीले नेपालका साथै अष्ट्रेलिया, युरोप, ल्याटिन अमेरिका, अफ्रिका, मिडिल इस्ट र साउथ इस्ट एसियामा समेत यो कार निर्यात गर्छ ।

मारुती सुजुकी बलेनो बीएस ६ मापदण्डयुक्त १.२ लिटर, ४ सिलिन्ढर ड्युअल जेट ड्युअल भीभीटी इन्जिनका साथ आउछ । यसका साथै कम्पनीको स्मार्ट हाइब्रिड प्रविधिले समेत कारको पावरलाई बढाएको छ । यसको इन्जिनले ८२ एचपी पावर र ११५ एनएम टर्क जेनेरेट गर्छ ।

यसका साथै यो १.३ लिटर डिजेल इन्जिनका साथ पनि आउछ । यसले ७४ एचपी पावर र १९० एनएम टर्क जेनेरेट गर्छ । दुवै इन्जिनमा ५ स्पिड म्यानुअल ट्रान्समिसन उपलब्ध छ । यसका साथै १.२ लिटर पेट्रोल इन्जिन सीभीटी अटोमेटिक गियरबक्समा समेत उपलब्ध छ ।

नेपाली बजारमा बलेनो डेल्टा, बलेनो जिटा र बलेनो अल्फा गरी तीन भेरिएन्टमा यो कार उपलब्ध छ । यी कारको मूल्य क्रमशः ३३ लाख ९९ हजार, ३६ लाख ९९ हजार र ४० लाख ९९ हजार रुपैयाँ तोकिएको छ ।

 

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...