नयाँ कलर स्किममा आउँदै होन्डा सिवी ३५०

होन्डाले आफ्नो ३५० सिसी मोटरसाइकल सिवी हाइनेस र सिवी आरएसलाई नयाँ कलर स्किम दिएर लन्च गर्ने भएको छ । सोबारे जानकारी दिँदै कम्पनीले एक टिजर समेत सार्वजनिक गरेको छ । रातो, कालो र सेतो रङमा उपलब्ध हुने यी मोडलमा कम्पनीले गोल्डेन कलरको धर्सा दिएर थप आकर्षक बनाउन लागेको हो ।

नयाँ कलर स्किम दिएर कम्पनीले यी मोडलको लिमिटेड एडिसन ल्याउन लागेको समेत अनुमान गरिएको छ । यसको मेकानिकल पक्षमा भने कुनै परिवर्तन नगर्ने कम्पनीले जनाएको छ । यी दुईवटै मोडलमा होन्डाले ३४८ सिसीको सिंगल सिलिन्डर इन्जिन जडान गरेको छ । जसको पावर २०.७८ एचपी र टर्क ३० एनएम छ ।

यी दुई मोटरसाइकलमा सिवी ३५० हाइनेस मोर्डन रेट्रो डिजाइनको मोटरसाइकल हो भने सिवी ३५० आरएसमा क्याफे रेसर स्टायल पाउन सकिन्छ । दुवै मोटरसाइकलको अगाडी टेलिस्कोपिक फर्क सेटअप र पछाडी डुअल शक अब्जर्बर दिइएको छ । यी मोटरसाइकल नेपाली बजारमा समेत उपलब्ध छन् ।