इलेक्ट्रिक मोटरसाइकलको खरिदमा ४० हजारसम्म छुट

काठमाडौं– यसपालीको दशैंमा सुपरसोको मोटरसाइकल खरिद गर्दा ग्राहकले ४० हजारसम्म नगद छुट र अन्य थप सुविधा पाउने भएका छन् ।

नेपालका लागि आधिकारिक वितरक डी–लाइफस्टाइल्स प्रालिले सुपरसोको र भी मोटो स्कुटरको खरिदमा नगद छुट वाहेक एक्सचेन्जमा १० हजार रुपैयाँ अतिरिक्त मूल्यांकनको साथै सडक कर र २ वर्षको सर्भिसिङ निशुल्क गर्ने जनाएको छ ।

साथै ग्राहकले एक थान हेल्मेट निशुल्क र ब्याट्रीमा ३ वर्ष तथा मोटरमा २ वर्ष अर्थात २० हजार किलोमिटर वारेन्टि पाउनेछन् । फाइनान्स सुविधामा खरिद गर्दा ग्राहकले ३ हजार ९५८ रुपैयाँदेखी सुरु हुने मासिक किस्तामा यी बाइक खरिद गर्न सक्नेछन् । अफर असोज ३० गतेसम्म लागु हुने बताइएको छ ।

इलेक्ट्रिक सेग्मेन्टमा सुपरसोकोका मोटरसाइकल नेपाली बजारमा लोकप्रिय मानिन्छन् । यो ब्रान्डसंग हाल टीसी, टीएस स्ट्रिट हन्टर, टीसी वान्डरर र टीसी म्याक्स मोडलका इलेक्ट्रिक मोटरसाइकल उपलब्ध छन् । जसको मूल्य नेपाली बजारमा २ लाख ९६ हजारदेखी ४ लाख ९० हजारसम्म कायम गरिएको छ ।