Check, click, shop
ट्राफिक जामबाट मुक्तिका लागि आयो अनौठो प्रविधि (भिडियो सहित)

वैज्ञानिकहरुले ट्राफिक जाम जस्ता समस्यालाई निर्मुल पार्न मद्दत गर्नुको साथै इन्धन समेत कम खपत गर्न सहयोग गर्ने एड्भान्स ट्रान्सपोर्ट सिस्टमको विकास गरेका छन् ।

सो प्रविधिको नाम ’एड्भान्स गायरोस्कोपिक पब्लिक ट्रान्सपोर्ट’ राखिएको छ । सो प्रविधिको प्रयोगले सडक दुर्घटनामा कमी आउनुको साथै घण्टौसम्म ट्राफिकमा फस्नु पर्ने बाध्यताबाट मुक्ति पाइने छ ।

गायरोस्कोपिक पब्लिक ट्रान्सपोर्ट सिस्टम के हो ?
गायरोस्कोपिक पब्लिक ट्रान्सपोर्ट सिस्टम एक प्रकारको पोड हो जो ‘फ्लेक्जिबल लेग’ मा चल्ने गर्छ । यो आवश्यकता अनुसार खुल्ने वा एकै स्थानमा रहने गर्छ । साधारण भाषामा भन्ने हो भने यो ट्राफिक जाम भएको ठाउँमा गाडीको माथिबाट चल्ने बस हो । कहीं दुर्घटना भएको खण्डमा यो बस आफै रोकिने गर्छ । सो बस गायरोस्कोप (एक पोल) को भरमा टिकेको हुन्छ ।

गायरोस्कोपिक पोडको डिजाइन एक बस जस्तै हुन्छ । यसमा प्लेनमा जस्तै सिटिङ अरेन्जमेन्ट हुन्छ । यसमा सैलुन र लाउन्जको साथमा टीभी पनि जडान गरिएको हुन्छ । सो बसको यात्रा कुनै बसको यात्रा भन्दा सुरक्षित पनि हुने गर्छ । यस्तै प्रकारको प्रविधिको प्रयोग प्लेन र स्पेससिपमा हुने गर्छ । यसले अटोपाइलट मोडमा काम गर्छ ।

यसको आकार सानो ठूलो दुबै हुन सक्छ । सडकमा अन्य सवारी साधन भन्दा उचाईमा चल्छ । यदि यस प्रकारको टेक्नोलोजीको प्रयोग भएको खण्डमा यो सडकमा कुनै मेट्रो पिलर भन्दा पनि कम ठाउँमा चल्नेछ ।

कसले विकास गरे यो प्रविधि ?
इन्डिया टाइम्सको रिपोर्ट अनुसार यस प्रकारको प्रविधिको विकास दाहिर इन्सेट कम्पनीले गरेको हो । सो कम्पनीले नै गायरोस्कोपिक ट्रान्सपोर्टको अवधारणा ल्याएको हो ताकि भविष्यमा ट्राफिक जाम जस्ता समस्या नहोस् । कम्पनीको जानकारी अनुसार यो टेक्नोलोजी परीक्षण कालमै सफल भएको छ । यद्यपि हाल यसको डिजिटल प्रोटोटाइफ मात्र अटोक्याडमा उपलब्ध छ ।

कतारमा गायरोस्कोपिक ट्रान्सपोर्टको योजना
समाचार अनुसार कतारमा २०२२ मा हुने वर्ल्ड कपलाई मध्यनजर गर्दै २० वटा गायरोट्रेन स्थापित गर्ने योजना बनाइएको छ । दाहिर इन्सेट कम्पनीले रुसमा पनि यो प्रविधि प्रयोग गर्न इच्छुक भएको जानकारी दिएको छ । रुसमा केही रुटमा मात्र यस्तो अत्याधुनिक ट्रान्सपोर्ट देख्न सकिन्छ । जस्तै मस्कोको डायनामो मेट्रो स्टेशनदेखि शेरेमेतेवयो एयरपोर्ट रुटमा यो टेक्नोलोजी चल्ने सम्भावना रहेको छ ।

Subscribe Now